Johann Samuel Drese, nado en Weimar (actualmente en Turinxia, Alemaña, e daquena pertencente ao Sacro Imperio Romano Xermánico) ca. 1644 e finado na mesma cidade o 1 de decembro de 1716, foi un organista, mestre de capela (en alemán Kapellmeister) e compositor alemán pertencente á familia musical Drese.
Logo de ter estudado composición, foi nomeado organista da corte de Jena, posto no que permaneceu ata 1683, sendo ese ano nomeado no cargo de mestre de capela na corte de Weimar, na que Johann Sebastian Bach foi organista e músico de cámara en 1703 e posteriormente entre 1708 e 1717. Logo da súa morte foi sucedido polo seu fillo Johann Wilhelm, quen xa era vicemestre de capela dende 1705.
Johann Samuel Drese deixou manuscritos dalgunhas óperas, sonatas para clavicémbalo, e varios motetes.
Seu primo foi o tamén compositor Adam Drese.
Véxase tamén Bibliografía Enciclopedia Espasa Volume 18, 2ª. parte páx. 2213 (ISBN 84-239-4581-2) Oxford Composer Companions, J.S. Bach, 1999, páx. 142
Categoría:Finados en 1716 Categoría:Nados en Weimar Categoría:Compositores de Alemaña