Pedro Escobar Muñoz, nado en Acedera (Badaxoz) o 10 de novembro de 1950, é un profesor e político español, deputado na Asemblea de Estremadura por Izquierda Unida.
Traxectoria Estudou Maxisterio e foi profesor de matemáticas nun centro de adultos en Badaxoz e profesor de español en Italia, Francia e Portugal. Entre 1987 e 1995 foi concelleiro en Badaxoz e entre 1991 e 1995 deputado provincial.
O 30 de setembro de 2007 IU de Estremadura elixiuno coordinador xeral, tras a marcha de Víctor Casco por non obter a formación representación na Asemblea de Estremadura, co 95 por cento dos votos do Consello Político Rexional e reelixido o 2 de decembro de 2012 fronte a Margarita González-Jubete co 71,48 por cento, tras ser impugnada a súa reelección en outubro pola Comisión de Garantías de IU por González-Jubete recorrer a convocatoria por irregularidades na designación de delegados.
IU de Estremadura, con Pedro Escobar á cabeza, abstívose na votación que deu a presidencia de Estremadura ao popular José Antonio Monago..
Notas
Categoría:Nados en 1950 Categoría:Nados en Acedera Categoría:Políticos de IU Categoría:Deputados da Asemblea de Estremadura