Eduard Michael Johann Maria von der Ropp , nado o 15 de decembro de 1851 en Līksna (Imperio Ruso, hoxe Letonia) e finado o 25 de xullo de 1939 en Poznań (Polonia), foi un arcebispo da Igrexa Católica Latina alemán báltico, comes romanus e asistente ao Trono Pontificio, bispo de Vilnius entre 1903 e 1917, e posteriormente arcebispo de Mahilioŭ até o seu pasamento.
Traxectoria Foi bautizado na Igrexa católica á que pertencía a súa nai, a condesa Isabella de Plater-Syberg.
Estudou Dereito en San Petersburgo, e posteriormente Teoloxía. O 2 de agosto de 1886 foi ordenado sacerdote da arquidiocese de Mahilioŭ. En 1893 foi nomeado preboste e deán de Curlandia, con sé en Liepāja. Alí comezou coa construción da actual catedral de San Xosé de Liepāja.
O 9 de xuño de 1902 foi nomeado bispo de Tiraspol, con sé en Saratov. Recibiu a consagración episcopal o 16 de novembro de 1902 de mans do metropolitano de Mahilioŭ Bolesław Hieronim Kłopotowski.
O 9 de novembro de 1903 foi nomeado bispo de Vilnius.
O 25 de xullo de 1917 foi nomeado arcebispo metropolitano de Mahilioŭ. Finou no cargo o 25 de xullo de 1939.
Notas
Categoría:Nados en 1851 Categoría:Nados en Letonia Categoría:Bispos da Igrexa católica latina Categoría:Bispos católicos de Belarús Categoría:Bispos católicos de Letonia Categoría:Bispos católicos de Lituania Categoría:Bispos católicos de Moldova Categoría:Bispos católicos de Rusia Categoría:Finados en 1939