Vítor I, chamado logo san Vítor, nado talvez en África e morto posiblemente en Roma en 199, foi bispo cristián desa diocese entre os anos 189 e 199.
Vida e pontificado Malia non se coñeceren demasiados detalles da vida persoal de Vítor I, e en especial do seu tempo anterior ao pontificado, pasou á historia por pechar a controversia de Pascua, que opuña os critiáns occidentais e orientais en relación ao día en que había de celebrarse esta festividade. Mentres os últimos papas romanos viñeran propoñendo a fixación en domingo, os orientais crían que debía coincidir coa pascua xudía, no día exacto da lúa chea. Vítor I convocou todos os bispos italianos ao primeiro sínodo de que se garda memoria, e ameazou coa excomuñón aos bispos orientais que non respectasen a Pascua de domingoDonald Attwater. 'A Dictionary of the Popes. The Catholic Book Club. Londres, 1939, páx. 11</ref>. Esta severidade foi criticada por numerosos bispos, entre eles Ireneu de Lión, pero a determinación de Vítor I tivo os seus froitos.
Durante o seu papado tamén tivo que facer fronte á pequena seita de Teodoto, un curtidor cristián, excomungado por Vítor I, que sostiña que Xesucristo era unicamente un superdotado.
Coincidiu Vítor I con boa parte do imperio de Cómodo, que detivo a persecución contra os cristiáns, co que a relixión medrou rapidamente en Roma. Sinalan algunhas fontes que unha amante do emperador, Marcia, que puido incluso ser cristiá, conseguiu logo da petición de Vítor I, que fosen liberados uns presos cristiáns condenados a traballar nas minas de Sardeña<ref>Donald Attwater. 'A Dictionary of the Popes. The Catholic Book Club. Londres, 1939, páx. 12.
Tamén foi Vítor I o responsábel de celebrar a misa por primeira vez en latín, conforme sinala Xerome de Estridón en De viris Illustribus.
Obra Escribiu algúns curtos ensaios sobre a Pascua e outras materias, coa particularidade de que foi o primeiro en facelo en latín, abandonando o grego que ata ese momento fora a tradición dos papas.
Morte e santidade Como todos os papas anteriores ao edicto de Milán, foi considerado santo. Tamén se ten sinalado que foi mártir, se ben isto non está demostrado. A súa festa é o 28 de xullo.
Parroquias en Galicia Existen dúas parroquias en Galicia baixo a avogación de San Vítor, as dúas en Valdeorras: Portomourisco e Cernego. Porén, non se pode dicir que se deban a este papa, a Vítor de Marsella ou a algunha figura menor do santoral. As festas de San Vítor en Portomourisco son o 27 de agosto.
Notas
Categoría:Papas Categoría:Santos do catolicismo Categoría:Finados en 199 Categoría:Santos patróns de parroquias de Galicia