miniatura|Leucophaeus pipixcan. A gaivota das pradarías, ás veces gaivota de Franklin (Leucophaeus pipixcan) é unha ave pertencente á familia dos láridos.
Características Os individuos desta especie tardan dous anos en acadar a plumaxe de adultos. Ten tamaño semellante á gaivota chorona. É moi semellante á gaivota chorona americana, mais a gaivota das pradarías é máis pequena, coa forma corporal máis compacta e o peteiro máis pequeno e máis avermellado. Nos adultos e en voo, a gaivota das pradarías presenta as ás e a cola cun gris máis claro. Ademais, presenta unha pequena franxa branca que separa a punta das ás negras do resto, de ton agrisado.
Distribución Cría nas marismas da Norteamérica occidental. Dende os grandes lagos ata a costa do pacífico. Migra polo centro dos Estados Unidos e o norte de México ata a costa pacífica de Suramérica. Inverna entre Panamá e o sur de Chile. É a divagante máis rara en Europa, sobre todo atópase nas Illas Británicas. As citas da Península Ibérica redúcesen a algún avistamento puntual e en anos concretos.
Notas
Categoría:Láridos