A Televisión de Galicia é unha canle de televisión galega. Forma parte da Corporación de Radiotelevisión de Galicia (CRTVG) xunto coa Radio Galega. As instalacións centrais están en San Marcos, na parroquia de Bando, no concello de Santiago de Compostela.
En xaneiro de 2009 converteuse en líder autonómica por primeira vez na súa historia"A TVG, líder autonómica por primeira vez na súa historia", La Voz de Galicia.. Porén, foi entre 1988 e 1990 cando tivo as maiores audiencias da súa historiaArturo Maneiro e Alfonso Cabaleiro, "A TVG". Lea, 1993, páxina 47..
Historia e características miniatura|esquerda|Antigo logo da TVG. As obras da sede comezaron o 8 de outubro de 1984. A dirección xeral de medios de comunicación tivo que crear unha rede de reemisoresMª Luz Ríos Rodríguez e Mª Carmen Saavedra Vázquez (coord.) As institucions galegas na historia. USC, 2004, páxina 608 para que puidese transmitir. Inaugurou as súas emisións ás 19:30 do 24 de xullo de 1985 cos actos en directo da súa inauguración, e pola noite a retransmisión en directo dos actos do Día do Apóstolo en Santiago. O 25 de xullo emitiu a primeira película, a curtametraxe Mamasunción de Chano Piñeiro. Logo destas probas suspendeu a transmisión e emitiu nos meses seguintes 150 horas en probasXosé López García: "Tres décadas de televisión en Galicia", CGC, Santiago, páxina 52, incluíndo a emisión dos encontros do Trofeo Cidade de Vigo 1985. O 1 de setembro comezou a programación regular, con 39 horas de emisión á semana.
Ó longo da historia dirixiron a canle Guillermo Montes, Xosé Luis Blanco Campaña, Gerardo González Martín, Xerardo Rodríguez, Xosé Rodil Lombardía, Arturo Maneiro, Anxo Quintanilla, Suso Iglesias e Rosa Vilas.
O 31 de decembro de 1996 a canle Galeusca TV, da que tamén formaban parte ETB e TV3, iniciou as emisións regulares cara América vía satélite. O 17 de maio de 1997, a TVG comezou a transmitir por Internet. Desde a desaparición da Galeusca TV, a TVG emite para o resto de España e Europa por satélite e redes de cable a canle Galicia TV Europa e para América Galicia TV América.
A TVG emite integramente en galego para Galicia, malia emitir algún programa en castelán para o estranxeiro. A publicidade, que durante moito tempo foi maioritariamente en castelán, tende a igualarse nas dúas linguas. Porén, a primeira canle televisiva en emitir en galego, malia que parcialmente, foi o Centro Territorial de RTVE en Galicia.
A TVG forma parte da FORTA, unha federación de diferentes televisións autonómicas do estado español.
A segunda canle
Malia dicir que poría en marcha a segunda canle, G2, o 25 de xullo de 2008,El País - La apertura de un segundo canal aboca a TVG a aumentar el gasto ao final fíxoo, tras fallar a data prevista de outubro de 2008,agalega.info - 'Cousiñas' será o primeiro programa da Galega para menores de 3 anos o 2 de febreiro de 2009.G2, a segunda canle da Galega, estrearase o vindeiro luns Con todo, tratouse dunha estrea demorada, pois xa se apuntara que ía ser no 2006 e, co anterior director, no 2005.
A segunda canle emite de luns a venres bloques infantís, de 13.45 a 15.30 e de 18.00 a 20.30. O resto das horas reemite a programación de Galicia TV América. As fins de semana están exclusivamente dedicadas ó deporte. O director da CRTVG na época de aparición da G2, Benigno Sánchez, tiña previsto que a canle emitira de luns a venres de 07.00 a 00.45 programación de divulgación cultural, documentais, cine e programación infantil e xuvenil. O obxectivo era centrar as fins de semana na cultura e no deporte, con especial atención ó minoritario e ó de base. Na década do 2000 anunciárase a creación dunha canle de noticias para o 2010 e mais dunha cuarta canle posterior, sen confirmar a temática. Finalmente, ningunha destas dúas canles viu a luz. miniatura|dereita|TVG, San Marcos, Bando (Santiago de Compostela)
Imaxe corporativa
miniatura|dereita|Laura Casares, Mucha e Nucha, Xosé Ramón Gayoso e Luis Zahera na gravación da 801ª emisión de Luar. miniatura|dereita|Conexión da TVG na Festa da Malla de Doade (2015)
Clasificación dos programas máis vistos por tempada
Notas
Véxase tamén
Outros artigos CRTVG Radio Galega tvG2 AGalega Retegal Xabarín Club
Ligazóns externas Páxina web da TVG
G24 directos Xabarín Club Arquivo histórico