Xiaomi Inc. (en chinés: 小米科技, pinyin: Xiǎomĭ Kējì, literalmente "paínzo tecnoloxía") é unha empresa multinacional coa súa sede en Pequín, China. É coñecida polo seu traballo no campo do deseño industrial e no desenvolvemento e venda de teléfonos intelixentes, apps e outros produtos electrónicos, que unicamente vende por Internet.
Foi fundada polo empresario Lei Jun o 6 de abril de 2010. Desde o lanzamento do seu primeiro teléfono intelixente en agosto de 2011, Xiaomi gañou unha importante cota de mercado na China e ampliou a súa liña de produtos a outros dispositivos electrónicos.
En 2013, a empresa conseguiu converter un dos seus modelos, o Xiaomi Mi2S, no móbil máis popular da China, por diante do Galaxy S4 de Samsung e do iPhone 5 de Apple, segundo os datos da consultora especializada Antutu, cun produto competitivo e máis barato que os seus competidores.
Véxase tamén Outros artigos Redmi Ligazóns externas Páxina oficial
Categoría:Empresas de electrónica Categoría:Empresas da China