O dos articulados (Articulata) é un grupo taxonómico clásico de rango superior que agrupa os filos dos anélidos e os artrópodos.

Foi proposto por Georges Cuvier en 1812,Cuvier, G. (1812): "Sur un nouveau repprochement à establir entre les classes qui composant le Règne Animal". Ann. Mus. Hist., 19: 73-84. e aceptado sen problemas durante case 200 anos.

As análises cladísticos modernos chegaron, porén, a conclusións contraditorias.

Algúns autores, como Nielsen et. al.,Nielsen, C.; Scharff, N. & Eibye-Jacobsen, D. (1996): "Cladistic analyses of the animal kingdom". Biol. J. Linnean Soc., 57: 385-410. corroboraron a existencia do clado dos Articulata. De maneira esquemática:

Pero cada vez máis estudos, tanto morfolóxicos (Eernise et al.),Eernisse, D. J.; Albert, J. S. & Anderson, F. E. (1992): "Annelida and Arthropoda are not sister taxa: A phylogenetic analysis of spiralian metazoa morphology". Syst. Biol., 41: 305-330. como moleculares (Giribet & Ribera),Giribet, G. & Ribera, C. (1998): "The position of arthropods in the animal kingdom: A search for a reliable outgroup for internal arthropod phylogeny". Mol. Phylog. Evol., 9: 481-488. e de datos combinados (Zrzavý et al.).Zrzavý, J., Mihulka, S., Kepka, P., Bezdék, A. & Tietz, D. 1998. Phylogeny of Metazoa based on morphological and 18S ribosomal DNA evidence. Cladistics, 14(3): 249-285. están chegando á conclusión de que anélidos e artrópodos non están directamente relacionados.

A presenza de metamerización en anélidos e artrópodos debería considerarse, pois, como unha converxencia evolutiva. Pola contra, estes estudos propoñen o clado dos ecdisozoos (Ecdysozoa), no que os artrópodos mostran estreitas relacións filoxenéticas con grupos de pseudocelomados, como nematodos, nematomorfos, priapúlidos e quinorrincos, pola presenza compartida dunha cutícula quitinosa e un proceso de muda (écdise) da mesma.

Os anélidos estarían emparentados con grupos que, como eles, tamén posúen larvas trocóforas (clado Trochozoa), como os moluscos, sipuncúlidos, equiúridos e entoproctos. De forma esquemática, a hipótese alternativa aos Articulata sería:

Notas

Categoría:Protostomia