Matthew Yglesias, nado o 18 de maio de 1981, é un xornalista e blogueiro estadounidense especializado en economía e política, maioritariamente dende unha perspectiva socioliberal e progresista. Yglesias escribiu columnas e artigos para medios como The American Prospect, The Atlantic e Slate. É columnista e editor de Vox, páxina web de Vox Media que cofundou en 2014.
Traxectoria O seu pai, Rafael Yglesias, é guionista e novelista. Os seus avós paternos foron os novelistas José Yglesias e Helen Bassine. O seu avó paterno era de ascendencia galego-cubana; os seus outros tres avós eran xudeus con orixes en Europa Oriental.
Yglesias realizou os seus estudos secundarios na Dalton School de Nova York e os seus estudos universitarios de filosofía en Harvard, onde se graduó magna cum laude. Foi editor en xefe do xornal semanal The Harvard Independent.
Notas
Categoría:Nados en 1981 Categoría:Nados na diáspora galega Categoría:Alumnos da Universidade Harvard Categoría:Estadounidenses de ascendencia galega Categoría:Estadounidenses de ascendencia xudía Categoría:Xornalistas dos Estados Unidos de América