Alexia Muíños Ruiz, nada na Coruña en 1977, é unha directora, produtora, guionista e actriz de cine galega. En 2010, gañou o premio do público no 17º Festival Internacional Sguardi Altrove de Milán pola súa longametraxe Noche Transfigurada.
Traxectoria Licenciouse en Ciencias Químicas na especialidade de Medio Ambiente. Completou a súa formación de Estudos Cinematográficos en Nova York. Compaxina o seu traballo de directora de cine coa docencia e como representante e directora adxunta de European Women's Audiovisual Network (EWA).
Fundou a produtora Marineda Films en 2014. É activista ante a desigualdade de xénero na industria do cine, sendo membro da Asociación de Mulleres Cineastas e de Medios Audiovisuais (CIMA), á cal representou en varios festivais internacionais para apoiar a visibilidade das cineastas en busca da igualdade na industria.
Notas
Categoría:Nados en 1977 Categoría:Nados na Coruña Categoría:Guionistas de Galicia Categoría:Directores de cinema de Galicia Categoría:Personalidades de Galicia sen imaxes