Kralendijk é a capital da illa holandesa de Bonaire, que ata 2010 pertencía ás Antillas Neerlandesas.
Con 12.531 habitantes no ano 2007, é tamén a vila máis grande da illa. O nome deriva do dique de coral morto (koralendijk) que está presente alí e que se utiliza dende ao redor de 1840. Pódese ver claramente desde o bulevar. Os veciños tamén chaman á cidade Playa, que significa praia.
Descrición É unha pequena e tranquila vila con moitos edificios de cores pastel. O centro da cidade está composto por un bulevar (Kaya Craane) e unha rúa comercial (Kaya Grandi). Fronte ao bulevar atópanse iates de recreo que visitan Bonaire á ancoran alí. Situado no lado sur, atópase Fort Oranje construído no século XVII para defender Bonaire. Na parte norte da fortaleza atópase a antiga casa do gobernador (amarela), na que agora se atopa o consello insular (consello insular do Caribe), e a oficina aduaneira. A cidade tamén ten un porto deportivo e un estadio de fútbol. Tamén hai un pavillón que se emprega como mercado froita.
En Kralendijk atópase a Institución Xudicial do Caribe dos Países Baixos, localizada en Bonaire, o Institushon Hudisial Karibe Hulandes, o sitio Boneiru, que pode acoller a 76 persoas.
Xusto ao sur da cidade atópase o aeroporto: Aeroporto Internacional de Flamingo. Fora da costa atópase a illa deshabitada Klein Bonaire. É accesible por taxi acuático.
Cada ano celébrase un desfile na cidade polo entroido.
O máis antigo asentamento en Bonaire non é Kralendijk senón a cidade máis pequena e situada máis ao norte Rincón.
Historia Fort Oranje : nl: Fort Oranje (Bonaire) construído en 1639 para defender o porto principal de Bonaire. O forte foi modificado extensamente durante finais do século XVII. O asentamento inglés de "Playa" estableceuse xunto ao forte en 1810. A cidade renomeouse como "Kralendijk" polos gobernantes coloniais holandeses en 1840.
O 10 de maio de 1940, 461 cidadáns holandeses e alemáns foron transportados a Bonaire e internados nun campamento xusto ao sur do forte. Despois da segunda guerra mundial, este campamento converteuse nun hotel, que agora é o Divi Bonaire.
Clima Kralendijk ten un clima semiárido quente ( Köppen BSh) con tempo uniformemente cálido, húmido pero seco debido á diverxencia entre os ventos alisios e o Monzón norteamericano, xunto cun forte efecto de secado dos ventos paralelos á costa de Suramérica. Hai unha curta tempada chuviosa entre outubro e xaneiro debido ao forte caudal do nordés durante a retirada do monzón, no entanto, é errática e moi influenciada pola Oscilación Sur, que frecuentemente falla completamente durante os anos de El Niño.Dewar, Robert E. and Wallis, James R; ‘Geographical patterning in interannual rainfall variability in the tropics and near tropics: An L-moments approach’; in Journal of Climate, 12; pp. 3457–3466 Non obstante, durante os anos de La Niña, as precipitacións poderán chegar ata 1.000 mm ao longo dun ano e máis de 350 mm nun mes, como sucedeu durante 1970/1971, 1988/1989, 1999/2000 e 2010/2011.
Notas
Véxase tamén
Ligazóns externas Bonaire Reporter - local newspaper A guide to over 75 restaurants in Bonaire
Categoría:Capitais de América