José María de Frutos Isabel, nado en Mozoncillo (provincia de Segovia) o 13 de decembro de 1927 e finado en Santiago de Compostela o 15 de novembro de 2019, foi un xurista e profesor universitario español.
Traxectoria En marzo de 1945 trasladouse a Santiago de Compostela coma funcionario da Administración do Estado. En 1959 doutorouse pola Universidade de Santiago de Compostela coa tese La expropiación forzosa de interés social, dirixida por Laureano López Rodó.
En 1963 foi nomeado profesor interino da Escola de Artes Aplicadas e Oficios Artísticos de Santiago de Compostela. Foi profesor titular do Departamento de Dereito Público e Teoría do Estado, na área de Dereito Administrativo da Universidade de Santiago de Compostela, até a súa xubilación.
En febreiro de 1954 casou con Consuelo Martínez Roig, con quen tivo oito fillos e fillas: José María, Manuel, Ramón, María Consuelo, Gracia María, Elena, Ana María e Santiago.
Recoñecementos
Condecorado coa Cruz de San Raimundo de Peñafort.
Notas
Categoría:Nados en 1927 Categoría:Nados na provincia de Segovia Categoría:Finados en 2019 Categoría:Alumnos da Universidade de Santiago de Compostela Categoría:Profesores da Universidade de Santiago de Compostela Categoría:Personalidades sen imaxes