A dos acantisítidos (Acanthisittidae) é unha familia de aves paseriformes que comprende os acantisitas, paxaros de pequeno tamaño endémicos de Nova Zelandia e parecidos aos carrizos de América e Eurasia en aparencia e comportamento, pero non están emparentados directamente con eles.
Taxonomía Descrición A familia foi descrita en 1872 polo médico sueco, dedicado á zooloxía, Carl Jakob Sundevall.Family Acanthisittidae Sundevall 1872 en Fossilworks.
Etimoloxía O nome científico da familia, Acanthisittidae, está formado, como é a norma, sobre a base da raíz do nome do seu xénero tipo, Acanthisitta, coa adición do sufixo do latín científico -idae, propio dos nomes das familias de animais.Acanthisittidae no Merriam-Webster Dictionary.
Clasificación A familia comprende 3 xéneros, un deles extinto,Acanthisittidae no ITIS. cun total de 4 especies (dúas delas extintas).Acanthisittidae en Zoonomen. Acanthisitta Lafresnaye, 1842 Acanthisitta chloris (Sparrman, 1787) Xenicus Gray, 1855 Xenicus gilviventris Pelzeln, 1867 Xenicus longipes † (Gmelin, 1789) Traversia † Rothschild, 1894 Traversia lyalli † Rothschild 1894
Nota taxonómica Non hai acordo entre as autoridades respecto á suborde dos paseriformes ao que pertecen os acantisítidos. Ás veces inclúense en Passeri e ás veces en Tyranni, pero recentes estudos de hibridación de ADN suxiren que poderían formar unha terceira suborde independente, a dos Acanthisitti.Sibley, C. G.; Williams, G. R.; Ahlquist, J. E. (1982): "The relationships of the New Zealand wrens (Acanthisittidae) as indicated by DNA-DNA hybridisation" . Notornis 29: 113–130.
Características Os acantistas son paxaros de pequeno tamaño (de 7 a 10 cm), bico fino e aguzado, ás curtas e arredondadas e cola moi curta. A súa plumaxe é pouco vistosa. Das especies das que se coñece a plumaxe, son aves de cor parda con algunhas plumas pardas verdosas.
Forman parellas monógamas para criaren, poñendo os seus ovos en pequenos niños en árbores ou entre rochas. Son diúrnos e, como todos os paseriformes de Nova Zelandia, na súa maior parte, son sedentarios.
Distribución e hábitat Son endémicos de Nova Zelandia. Son insectívoros que habitan nos bosques e matogueiras, desde o nivel do mar até o límite das árbores. Unha especie vive en zonas alpinas e subalpinas. As dúas especies restantes son malas voadoras e sábese que as especies extintas non puedían voar, ou sospéitase que foron non voadoras (segundo as observacións de aves vivas e o tamaño do seu esterno); xunto coa especie, tamén estinta, Emberiza alcoveri, que habitou en Tenerife, (Illas Canarias), son os únicos paseriformes que se sabe que perderon a capacidade de voaren.
Galería
Notas
Véxase tamén
Bibliografía Ericson, P. G. P.; Christidis, L.; Cooper, A.; Irestedt, M.; Jackson, J.; Johansson, U. S. & Norman, J. A. (2002): "A Gondwanan origin of passerine birds supported by DNA sequences of the endemic New Zealand wrens". Proceedings of the Royal Society of London (B) 269: 235–241. Worthy, T. H.; Hand, S. J.; Nguyen, J. M. T.; Tennyson, A. J. D.; Worthy, J. P.; Scofield, R. P.; Boles, W. E. & Archer, M. (2010): "Biogeographical and phylogenetic implications of an Early Miocene wren (Aves: Passeriformes: Acanthisittidae) from New Zealand". Journal of Vertebrate Paleontology 30 (2): 479–498.
Ligazóns externas Acanthisittidae.New Zealand wrens na ADW. New Zealand Wrens. Acanthisittidae na EOL. Acanthisittidae na Lista vermella da UICN.
Categoría:Familias de aves