Just Fontaine, nado en Marrakech (daquela pertencente ao Marrocos Francés) o 18 de agosto de 1933 e finado en Tolosa (Francia) o 1 de marzo de 2023, foi un futbolista francés.
Traxectoria Ten a marca de máis goles anotados nun mesmo mundial, 13 goles no Mundial de Fútbol Suecia 1958. Na clasificación de máis goles en total figura no cuarto posto, detrás de Gerd Muller con 14, Ronaldo con 15 e Miroslav Klose con 16 goles.
Fontaine comeza a súa carreira no USM Casablanca, onde xoga entre 1950 e 1953. o Nice reclútao ese mesmo ano, onde xogará ata 1956 e anotará 44 goles. Rematará no Stade de Reims substituíndo a Raymond Kopa e con 121 goles en seis tempadas. En total, na liga francesa marcou 165 goles en 200 encontros, e gañou dúas veces o campionato, en 1958 e 1960.
Coa selección francesa, os seus números son aínda máis impresionantes. No seu debut o 17 de decembro de 1953 anota 3 goles contra Luxemburgo, rematando o encontro en 8-0. En total coa escuadra nacional marcou 30 goles en 21 partidos, entre eles os 13 do mundial de 1958. Segundo conta o propio Fontaine, neste torneo tirou dezasete veces a porta: trece goles, tres paradas dos porteiros e un remate fóra.
Fontaine xogou o seu derradeiro encontro en xullo de 1962, obrigado a retirarse por mor dunha lesión recorrente.
Foi elixido por Pelé coma un dos 125 mellores futbolistas vivos en marzo de 2004. Tamén foi escollido mellor xogador francés dos últimos 50 anos pola Federación Francesa de Fútbol en novembro de 2003.
Notas
Véxase tamén Ligazóns externas UEFA.com - Xogador de Ouro de Francia
Categoría:Nados en Marrakech Categoría:Nados en 1933
Categoría:Finados en 2023
Categoría:Franceses de ascendencia española
Categoría:Futbolistas de Francia Categoría:Dianteiros de fútbol Categoría:Xogadores do OGC Nice Categoría:Xogadores do Stade de Reims Categoría:Xogadores da selección de fútbol de Francia Categoría:Xogadores do Mundial de Fútbol de 1958 Categoría:Goleadores da Copa do Mundo Categoría:Adestradores de fútbol de Francia Categoría:Adestradores da selección de fútbol de Francia Categoría:Adestradores da selección de fútbol de Marrocos Categoría:Adestradores do Paris Saint-Germain FC Categoría:Bota de Ouro Categoría:FIFA 100 Categoría:Cabaleiros da Lexión de Honra