Serafín María de Sotto, nado en Barcelona o 12 de outubro de 1793 e finado en Madrid o 23 de febreiro de 1862, foi un político, militar e historiador catalán.
Traxectoria Formado como cadete, participou na Guerra da Independencia española e nas tropas cristiás na guerra carlista, chegando ao grao de Mariscal de Campo. En 1840 foi Ministro de Guerra durante a minoría de idade de Isabel II. A caída de Espartero obrigouno a emigrar en 1843. Membro do Partido Progresista, foi brevemente -dous días- Presidente do Consello de Ministros en 1849, sendo relevado por Ramón María Narváez.
Tras o Bienio Progresista recuperou funcións activas dentro do organigrama administrativo-militar, sendo membro do Consello Real e do Consello de Estado.
Categoría:Presidentes de España Categoría:Ministros de España Categoría:Nados en Barcelona Categoría:Nados en 1793 Categoría:Finados en 1862 Categoría:Cabaleiros da Lexión de Honra Categoría:Académicos da Real Academia da Historia Categoría:Políticos do Partido Progresista Categoría:Españois de ascendencia irlandesa