Augusto Docampo Soto, nado en Lavadores (Vigo) o 21 de maio de 1940, é un sindicalista e político galego.
Traxectoria En abril de 1960 participou con Víctor Francisco Cáceres, Manuel Rodríguez González e Jaime Garrido Vila nunha reunión en Vigo na que se constituíu un grupo anarquista denominado Frente Democrático Juvenil (FDJ), do que ía ser nomeado tesoureiro. Despois da participación do grupo nunha folga de Vulcano e Barreras en solidariedade cos mineiros asturianos, unha serie de arrestos en agosto de 1962 desmantelaron a CNT e o grupo. Augusto Docampo e o resto dos compoñentes do grupo foron arrestados o 4 e 5 de agosto. Foi condenado en consello de guerra o 23 de novembro a cinco anos de prisión.ABC, 24-11-1962, p. 70. Ingresou posteriormente no PCE e foi un dos dirixentes das Comisións Obreiras en Galicia.La Voz de Galicia, 6-11-1976, p. 15.La Voz de Galicia, 11-12-1976, p. 13.
Nas primeiras eleccións democráticas foi candidato suplente do PCE pola provincia de Pontevedra.La Voz de Galicia, 4-5-1977, p. 38. e nas primeiras eleccións municipais da democracia foi candidato número dous ao concello de Vigo polo PCE e foi elixido concelleiro.El Pueblo Gallego, 2-5-1979, p. 12.
Notas
Véxase tamén Bibliografía
Categoría:Sindicalistas da CNT Categoría:Políticos do PCE Categoría:Represaliados polo franquismo Categoría:Concelleiros de Vigo Categoría:Concelleiros de Galicia durante a democracia
Categoría:Nados en Vigo Categoría:Nados en 1940 Categoría:Personalidades de Galicia sen imaxes