Carlos Mantilla Rodríguez, nado en Rosende (Sober) o 10 de xullo de 1944 e finado en Vigo o 23 de novembro de 2020, foi un economista, avogado e político galego, militante do PPdG e presidente-decano do Colexio de Economistas de Pontevedra.
Traxectoria A súa familia, que procedía da parroquia de Rosende (Sober), trasladouse a Vigo cando el tiña dez anos.
Licenciado en Dereito pola Universidade Camilo José Cela de Madrid e mais en Ciencias Económicas e comerciais pola Universidade de Bilbao. Doutor en Economía e auditor de Contas ROAC. Exerceu como avogado e foi concelleiro e portavoz do Partido Popular no concello de Vigo (1983-1991), deputado provincial e vicepresidente da Deputación de Pontevedra (1987-1991), senador pola provincia de Pontevedra na IV Lexislatura (1989-1993) e deputado no Congreso dos Deputados de España durante as lexislaturas V, VI , VII e VIII (1993-2008).
Durante a década dos anos 1970, foi director económico e de persoal do estaleiro Vulcano. Dende 2008 ata 2013 foi vicepresidente do Consello Superior de Colexios de Titulados Mercantís de España. Desde 20113 foi vogal do Consello Xeral de Economistas de España.
A fiscalía presentou en novembro de 2015 unha querela contra el que foi arquivada.
En febreiro de 2019 foi elixido por ampla maioría decano-presidente do Colexio de Economistas de Pontevedra."Carlos Mantilla, nuevo decano del Colegio de Economistas" Atlántico Diario .
Recoñecementos
Membro de Honra do Rexistro de Auditores de España (2016)."El Registro de Auditores nombra miembro de honor a Carlos Mantilla" Faro de Vigo . Medalla de Ouro do Instituto de Censores de Cuentas de España. Titulado Mercantil e Empresarial do Ano 2015 polo Consello Superior de Colexios Oficiais de Titulados Mercantís. Medalla do Mérito Pesqueiro outorgada polo Ministro de Agricultura, Gandería e Pesca do Goberno de España, Miguel Arias Cañete. Cruz de Honra de San Raimundo de Peñafort por unanimidade no Congreso dos Deputados por ser principal relator da Lei Concursal en 2005. Insignia de ouro e brillantes, "in memoriam", do Colexio de Economistas de Pontevedra.
Notas
Véxase tamén Bibliografía
Outros artigos Lista de senadores galegos desde a Transición Lista de deputados galegos no Congreso desde a Transición
Ligazóns externas Ficha no Senado Ficha no Congreso dos Deputados
Categoría:Deputados provinciais de Pontevedra Categoría:Senadores por Pontevedra Categoría:Deputados no Congreso dos Deputados pola provincia de Pontevedra Categoría:Deputados do Congreso dos Deputados polo PP Categoría:Nados en Sober Categoría:Nados en 1944 Categoría:Senadores de España polo PP Categoría:Finados en 2020 Categoría:Concelleiros de Vigo Categoría:Concelleiros de Galicia durante a democracia Categoría:Concelleiros de Galicia polo PPdeG