Mohamed Aiman Moukhliss Agmir, coñecido como Moha Moukhliss, nado en Madrid o 6 de febreiro de 2000, é un futbolista hispano-marroquí, que xoga como centrocampista no Barcelona Atlètic da Primeira División RFEF, cedido polo Andorra.
Traxectoria Comezou a xogar ao fútbol no San Blas, antes de ingresar na canteira do Real Madrid en 2010, con 10 anos, para xogar no equipo alevín. Na estrutura do club branco foi queimando etapas até terminar a súa etapa de xuvenil en 2019. A continuación foi cedido ao Celta B, da Segunda División B, onde disputou 23 partidos, anotando un gol.
En agosto de 2020 quedou libre do Real Madrid e asinou polo Valladolid Promesas por dúas tempadas, nas que disputou 58 encontros e fixo un gol.
No verán de 2022 fichou polo Andorra da Segunda División por tres tempadas. Xogou 11 partidos co equipo andorrano, antes de saír cedido en xaneiro de 2023 ao Barcelona Atlètic, da Primeira División RFEF, cesión que se ampliou no verán de 2023 por un ano máis.
Selección nacional Foi internacional en distintas categorías inferiores da selección española como a sub-17, a sub-18 e a sub-19. En 2017 formou parte da selección sub-17 que conquistou o Campionato Europeo en Croacia.
En 2019 proclamouse campión do Europeo Sub-19, disputado en Armenia.
Notas
Categoría:Nados en Madrid Categoría:Nados en 2000 Categoría:Futbolistas da Comunidade de Madrid Categoría:Centrocampistas de fútbol Categoría:Xogadores do Celta de Vigo B Categoría:Xogadores do Real Valladolid B Categoría:Xogadores do FC Andorra Categoría:Xogadores do FC Barcelona B Categoría:Xogadores da selección de fútbol de España sub-17 Categoría:Xogadores da selección de fútbol de España sub-19