Cipriano Prada Amedo, nado en Haro o 26 de setembro de 1887, foi un futbolista español, que xogaba como centrocampista.
Traxectoria Nacido na localidade rioxana de Haro, seus pais eran naturais de San Vicente de la Sonsierra (A Rioxa) e de Samaniego (Áraba). Criouse entre Haro e Bilbao, antes de instalarse en Pontevedra, onde a súa familia rexentou o Hotel Méndez Núñez, na praza de San Xosé. Na cidade do Lérez comezou a xogar ao fútbol e acadou gran fama como membro do Pontevedra Sporting, onde coincidiu co seu irmán Benito e co destacado defensa Edmundo Nóvoa.
A fama de Prada e Nóvoa fixo que fosen convidados a reforzar o equipo do Real Madrid (chamado naquel entón aínda Madrid FC) na final da Copa do Rei de 1908, que se celebrou no estadio de O'Donnell de Madrid e na que saíu vencedor o equipo branco, ao derrotar por 2-1 ao Vigo FC. Prada continuou durante anos no Pontevedra Sporting, exercendo como capitán, e en 1913 foi un dos 11 homes que disputaron o primeiro partido da selección española, en Amute contra Francia. Formou na dianteira xunto aos vascos Angoso, Arzuaga, Elósegui e Minondo, nun partido que rematou con empate a un gol.
En novembro de 1918 o Pontevedra Sporting Club e o Club Deportivo Pontevedra fusionáronse para formar o Pontevedra Athletic Club, do que Cipriano Prada foi o primeiro capitán e adestrador.
Palmarés Madrid FC Copa do Rei (1): 1908.
Notas
Categoría:Nados en 1887 Categoría:Nados en Haro Categoría:Futbolistas da Rioxa Categoría:Centrocampistas de fútbol Categoría:Xogadores do Real Madrid CF Categoría:Xogadores do Pontevedra Athletic Club Categoría:Finados en ano descoñecido