Ana María Aba Catoira, nada na Coruña en 1970, é unha académica e xurista galega, especializada en Dereito Constitucional.
Traxectoria Ana M. Aba Catoira licenciouse en Dereito pola Universidade da Coruña en 1993.Ana María Aba Catoira en UNIR En 1998 doutorouse pola Universidade da Coruña cunha tese titulada La problemática de la limitación de los derechos en la jurisprudencia del Tribunal Constitucional, dirixida por José Antonio Portero Molina.
Entre 1997 e 2015 desenvolveu funcións de maxistrada substituta nos xulgados da provincia da Coruña.Ana Aba Catoira en Executivas de Galicia Desde 2003 é profesora titular na área de Dereito Constitucional na Universidade da Coruña.Dra. Ana María Aba Catoira en Universidade da Coruña En 2021 entrou a formar parte do equipo directivo da Facultade de Dereito da Coruña como vicedecana de Relacións Internacionais, Institucionais e Dixitalización.Ana Aba Catoira en LinkedIn. En setembro de 2023 converteuse na primeira muller en ocupar o decanato da Facultade de Dereito da Coruña, cargo que exerceu durante un curso académico.
É socia fundadora da Rede Feminista de Dereito Constitucional, que agrupa expertas en estudos de xénero e dereitos das mulleres, e integrante da Rede de Especialistas en Dereito e TICs. É socia do Observatorio do impacto ético e social da Intelixencia Artificial, e membro de Referentes Galegas, así como integrante do Centro de Estudos de Xénero e Feministas (CEXEF).
Notas
Categoría:Nados en 1970 Categoría:Nados na Coruña Categoría:Xuristas de Galicia Categoría:Alumnos da Universidade da Coruña Categoría:Profesores da Universidade da Coruña Categoría:Personalidades de Galicia sen imaxes