Marc Bompaire, nado en Rennes o 30 de setembro de 1957, é un historiador e numismático francés, que presidiu a Sociedade Francesa de Numismática.
Traxectoria
Marc Bompaire naceu en Rennes en 1957,Bibliothèque de l'École des chartes. 1976. Vol. 134. N°2. Páxina 469. fillo do helenista e profesor universitario Jacques Bompaire. En 1976 comezou os seus estudos na École nationale des chartes, onde se graduou como arquivista paleógrafo en 1980 cunha tese titulada L'atelier monétaire royal de Montpellier et la circulation monétaire en bas Languedoc jusqu'au milieu du XVe siècle ("O obradoiro monetario de Montpellier e a circulación da moeda no baixo Languedoc ata mediados do século XV"), dirixida por Philippe Contamine."L’atelier monétaire royal de Montpellier et la circulation monétaire en bas Languedoc jusqu’au milieu du XVe siècle". École nationale des chartes."La circulation monétaire en Languedoc : Xe-XIIIe siècle". Theses.fr
Logo da súa graduación, Bompaire continuou as súas investigacións numismáticas no Centre national de la recherche scientifique (CNRS). Nesta institución acadou o posto de director de investigación no centro Ernest Babelon. Igualmente, é director de estudos da cátedra de Numismática e Economía Monetaria do Occidente Medieval e Moderno da École pratique des hautes études,"Marc Bompaire". École Pratique des Hautes Études. e encargado dos cursos de Numismática na École des chartes."Bompaire, Marc". Les rendez-vous de l'histoire (rdv-histoire.com).
Bompaire é tamén un dos directores da revista Revue numismatique a partir de 2005 e presidiu a Sociedade Francesa de Numismática entre 2003 e 2006."Les présidents de la SFN". Société française de numismatique."Les présidents de la SFN depuis 1965". En Bulletin de la Société Française de Numismatique. Decembro de 2014. Nº 10. Páxinas 313-314.
Escolma de publicacións Bompaire é autor de numerosos artigos sobre historia e numismática en revistas especializadas. Esta é unha escolma dos traballos monográficos máis salientables de Marc Bompaire ao longo da súa traxectoria:"Bompaire, Marc". Persee.fr"Marc Bompaire". Academia.edu
(1993). L'économie médiévale (con P. Contamine et al.). Armand Colin, París. ISBN 978-2200015466 (2000). Numismatique médiévale. Monnaies et documents d'origine française (con F. Dumas). Brepols, Turnhout. ISBN 9782503509518 (2017). Medieval European Coinage. Vol. 5: Medieval France. T. 1: The Age of the Denier. Cambridge University Press. ISBN 978-0521260138 (2004). Le travail des métaux dans les villes à la fin du Moyen Âge (con N. Thomas et al.). Sorbonne. ISBN 979-1035109561
Notas
Véxase tamén
Bibliografía
Cabanel, P. (2015). "Marc Bompaire". En Cabanel, P.; Encrevé, A. (dir.). Dictionnaire biographique des protestants français de 1787 à nos jours., T. 1. Éditions de Paris Max Chaleil, Paríis. Páxina 361. ISBN 978-2846211901
Categoría:Nados en 1957 Categoría:Nados en Rennes Categoría:Historiadores de Francia Categoría:Numismáticos de Francia Categoría:Membros da Sociedade Francesa de Numismática Categoría:Alumnos da École des Chartes Categoría:Arquiveiros Categoría:Paleografía Categoría:Personalidades sen imaxes Categoría:Presidentes da Sociedade Francesa de Numismática