Ken Nordine , nado en Cherokee (Iowa) en 1920 e finado en Chicago en 2019, foi un locutor de radio, actor de voz con máis de mil colaboracións en anuncios e trailes de películas, e compositor de recoñecidos álbums do xénero word-jazz, co que foi nomeado aos premios Grammy.
Traxectoria
Nado en Cherokee, Iowa, creceu preto de Wrigley Field, onde comezou traballando como aparcacoches. Enrolou no Lane Tech High School e na Universidade de Chicago. A súa nai, Theresia Danielson Nordine, era escultora.
En 1959, apareceu na NBC-TV con Fred Astaire, quen bailou ao son dunha peza de "Word Jazz" composta por Nordine.
Foi a voz dos anuncios do Festival Internacional de Cine de Chicago e do eslogan "Cold Steel on Ice", entrada durante os partidos dos Chicago Blackhawks."Non hai ningunha voz coma el, agás quizais a de Orson Welles", dixo o fundador do festival de cine, Michael Kutza.
Podíase escoitar en anuncios de Amana Appliances, a Asociación Americana de Lácteos, Baker's Square, Champion Spark Plugs, First Chicago Bank, Gallo Wine, Harvey's Bristol Dry Sherry, Magnavox e Taster's Choice. Tamén fixo de anuncio para a Orquestra Sinfónica de Chicago.
Na década de 1970, creou un anuncio de Levi's que preguntaba como levarían os seres humanos pantalóns vaqueiros se evolucionaran de forma diferente: "Poría a espiga de Levi's nas súas aletas, as raias de Levi's nas súas ás?"
Ken Nordine tamén puxo a voz en «Faces in the Window», un programa de radio da WNBC dos anos 50.
Na década de 1990, actuou cos Grateful Dead. En 1992, colaborou con García e o mestre da harmónica de Chicago Howard Levy na gravación «Devout Catalyst».
En 1979, recibiu un acordo polo traballo na película "O exorcista". O Sr. Nordine presentara unha demanda, alegando que non lle compensaran axeitadamente polos seus efectos de son.
Nordine foi recoñecido co premio “Chicago Heroes” en 2001 da sección de Chicago da Academia Nacional de Artes e Ciencias da Gravación.
En 2007, David Bowie convidouno a aparecer no festival «High Line» que a lenda do rock organizaba en Nova York.
A súa muller Beryl faleceu en 2016. Ao Sr. Nordine tamén lle sobreviven os seus fillos Kevin e Kris; a súa irmá Karen Bothwell; nove netos; e catro bisnetos. Nordine, que sufriu un derramo cerebral en 2019, morreu na súa casa preto de Kenmore e Glenlake, onde tiña un estudo de gravación no terceiro andar. Un tramo da rúa exterior foi renomeado como "Ken Nordine Way".
.
Discografía Álbums de estudio Word Jazz 1957 Son of Word Jazz 1957 Next! 1959 Word Jazz Vol. II 1960 Colors 1967 Ken Nordine Does Robert Shure: Twink 1967
Notas
Véxase tamén Ligazóns externas A canción Cracks In the Ceiling de Nordine, en youtube
Categoría:Personalidades do jazz Categoría:Personalidades da radio dos Estados Unidos de América Categoría:Nados en 1920