Iker Unzueta Arregui, nado en Abadiño o 4 de agosto de 1998, é un futbolista vasco que xoga na posición de dianteiro. O seu equipo actual é o Club Deportivo Lugo da Primeira Federación.
Traxectoria Tras comezar a súa formación no Abadiño KE, en 2017 incorporouse ao SCD Durango e foi asignado inicialmente ao equipo filial nas divisións inferiores. Durante a tempada 2017/18 da Terceira División participou en catro partidos co primeiro equipo e contribuíu ao seu ascenso á Segunda División B. En xullo de 2019, co Durango de volta na cuarta categoría, Unzueta foi promovido definitivamente ao cadro principal.
No verán de 2020 Unzueta fichou pola Sociedad Deportiva Amorebieta. Foi titular regular durante a tempada 2020/21 e axudou a alcanzar o ascendo histórico do club á Segunda División. O debut profesional de Unzueta tivo lugar o 14 de agosto de 2021, cando foi titular nun partido contra o Girona Fútbol Club. O 3 de novembro dese ano marcou o seu primeiro gol profesional para unha vitoria por 4-1 perante o Real Valladolid.
En agosto de 2022 anunciouse a fichaxe de Unzueta pola Sociedad Deportiva Logroñés da Primeira Federación. Ao longo da campaña 2022/23 anotou 13 goles, a mellor marca da carreira de Unzueta.
O 3 de xuño de 2023 asinou un contrato de dous anos co FC Vizela da Primeira Liga. En xaneiro de 2024 regresou ao Amorebieta a través dunha cesión até final de tempada.
O 28 de agosto de 2024 fíxose oficial a fichaxe de Unzueta pola Sociedad Deportiva Huesca da Segunda División. O 12 de agosto de 2025 finalizou o seu vínculo co club aragonés e pasou a formar parte do Club Deportivo Lugo.
Notas
Véxase tamén Ligazóns externas Iker Unzueta en LaPreferente.com
Categoría:Nados en 1998 Categoría:Nados en Abadiño Categoría:Futbolistas do País Vasco Categoría:Dianteiros de fútbol Categoría:Xogadores da SD Amorebieta Categoría:Xogadores do SD Logroñés Categoría:Xogadores do SCD Durango Categoría:Xogadores do FC Vizela Categoría:Xogadores do SD Huesca Categoría:Xogadores do CD Lugo