Emily Anderson, nada en Galway o 17 de marzo de 1891 e finada en Londres o 26 de outubro de 1962, foi unha académica irlandesa de ascendencia alemá, historiadora da música e criptoanalista da Escola de Códigos e Cifrados do Goberno Británico (ahora GCHQ) durante case 30 anos. Foi recoñecida coa Orde do Imperio Británico.
Traxectoria No outono de 1917, a Anderson ofrecéronlle un posto na sección de criptoanálise do servizo de intelixencia do Ministerio de Guerra británico, o MI1 . Aceptou e trasladouse a Londres para asumir as súas funcións en xullo de 1918. Durante a Primeira Guerra Mundial, Anderson renunciou ao seu posto académico. Recibiu adestramento para unirse ao WAAC Hush, un grupo de mulleres que traballaban como descifradoras de códigos na fronte francesa, pero Anderson nunca foi despregada. A súa axudante no MI1 nese momento era Alda Milner-Barry.
En 1919, Anderson regresou a Cork para retomar a súa carreira académica. O maior da Armada británica Malcolm Vivian Hay e o criptógrafo Alastair Denniston nomearon a Anderson criptoanalista na entón recentemente formada Escola de Código e Cifrado do Goberno (agora GCHQ). Anderson aceptou o nomeamento, pero solicitou igualdade salarial e laboral cos homes que realizaban o mesmo traballo. O 10 de xaneiro de 1920, retomou a súa carreira no GCHQ, baixo o pretexto de ser empregada do Ministerio de Asuntos Exteriores. Anderson finalmente converteuse en xefa da sección diplomática italiana.
Anderson e o seu equipo mudáronse de Londres a Bletchley Park en agosto de 1939. Naquel momento, ela foi mentora da tamén recoñecida criptoanalista Patricia Bartley.
Paralelamente a súa carreira secreta en GCCS, Anderson tivo recoñecemento público polo seu traballo como historiadora da música e tradutora. En 1923, publicou unha tradución do libro de Benedetto Croce sobre Goethe. Editou e traduciu Las cartas de Mozart y su familia, que se publicou en 1938. As súas Cartas a Beethoven publicaronse en 1961.
A Royal Philharmonic Society outorga o Premio anual Emily Anderson a violinistas novos na súa honra. A NUI Galway chamou á súa sala de concertos Emily Anderson Concert Hall na súa memoria. Music for Galway, en colaboración coa NUI Galway, organiza un concerto anual na súa honra.
Notas
Categoría:Nados en Galway Categoría:Finados en 1962 Categoría:Nados en 1891 Categoría:Historiadores do Reino Unido