O Colexio Oficial de Psicoloxía de Galicia (COPG) é a corporación de dereito público que representa e ordena o exercicio da profesión de psicólogo en Galicia. Ten personalidade xurídica propia e plena capacidade para o cumprimento dos seus fins, entre os que se atopan a representación da profesión, a defensa dos intereses das persoas colexiadas e a protección dos dereitos da cidadanía no eido da atención psicolóxica.Lei 11/2001, do 18 de setembro, de creación do Colexio Oficial de Psicoloxía de Galicia.
A súa sede atópase na rúa da Espiñeira, en Santiago de Compostela.
Historia O Colexio Oficial de Psicoloxía de Galicia foi creado o 19 de maio de 2000 por decreto aprobado polo Parlamento de Galicia, asumindo as funcións que ata ese momento desempeñaba a Delegación Territorial de Galicia do Colexio Oficial de Psicólogos de España.Lei 11/2001, do 18 de setembro, de creación do Colexio Oficial de Psicoloxía de Galicia. Diario Oficial de Galicia, núm. 188, de 27 de setembro de 2001.
Dende a súa constitución, o COPG desenvolve labores de representación institucional da profesión, promoción da psicoloxía, formación continua e defensa da ética profesional, ademais de colaborar coas administracións públicas e outras entidades sociais.
En 2025, coincidindo co seu 45º aniversario, o Colexio superou os 4.000 profesionais colexiados, consolidándose como unha das principais organizacións profesionais de Galicia.
Notas
Véxase tamén Outros artigos Premio Dolores Llópiz: Psicoloxía e Sociedade
Categoría:Psicoloxía Categoría:Colexios profesionais