Alexandra Carpenter, nada o 13 de abril de 1994 en North Reading (Estados Unidos), é unha xogadora profesional de hóckey sobre xeo estadounidense. Xoga de dianteira para o Seattle Torrent da Professional Women's Hockey League (PWHL) e a selección estadounidense.
Na universidade xogou para Boston College, recibindo o Premio Patty Kazmaier á mellor xogadora da NCAA en 2015, e rexistrou varios récords de anotación coa súa universidade. Representou os Estados Unidos en numerosos Xogos Olímpicos e Campionatos do Mundo, gañando a prata nos Xogos Olímpicos de 2014 e 2022 e o ouro en 2026, así como os ouros mundiais de 2013, 2015, 2016, 2017, 2019, 2023 e 2025.
Carpenter xogou profesionalmente nos Estados Unidos, Canadá, China e Rusia dende 2016. Na tempada inaugural da PWHL co PWHL New York foi a segunda máxima puntuadora e foi incluída no Primeiro Equipo All-Star. En 2025 fichou polo Seattle Torrent, un equipo de expansión.
Categoría:Nados en 1994 Categoría:Nados en Massachusetts Categoría:Xogadoras do Boston Pride Categoría:Xogadoras do KRS Vanke Rays Categoría:Xogadoras do New York Sirens Categoría:Xogadoras do Seattle Torrent Categoría:Xogadores de hóckey sobre xeo olímpicos dos Estados Unidos de América Categoría:Medallistas olímpicos de ouro polos Estados Unidos de América Categoría:Medallistas olímpicos en hóckey sobre xeo