Dirty Loops é un grupo de jazz fusión formado en Estocolmo, Suecia. Está formado por tres membros: o pianista e cantante Jonah Nilsson, o baixista Henrik Linder e o batería Aron Mellergård, que se coñeceron mentres estudaban jazz e produción musical na Real Academia Sueca de Música.
Historia O grupo gañou recoñecemento polas súas versións de jazz-funk, incluíndo «Baby» de Justin Bieber e «Rolling in the Deep» de Adele. En 2012, acompañaron ao compositor David Foster na súa xira asiática.
En 2014, o seu álbum de estudo debut, Loopified, foi lanzado polo selo Verve Records. Posteriormente, en 2016, compuxeron unha versión de jazz fusión de «Over the Horizon» para o Samsung Galaxy S7.
En 2019, lanzaron os sinxelos «Work Shit Out» e «Next to You». En 2020, lanzaron o sinxelo «Rock You». Estes tres sinxelos, xunto con «World On Fire» e «Breakdown», conforman o EP Phoenix, que foi lanzado o 18 de novembro de 2020.
En 2021, colaboraron co guitarrista Cory Wong para lanzar o álbum Cory Wong, que contén sete cancións: «Turbo», «Follow The Light» e unha versión de «Thriller» de Michael Jackson. miniatura|O baixista da banda, Henrik Linder, durante un concerto.
Notas
Véxase tamén Ligazóns externas Sitio web oficial
Categoría:Grupos musicais formados en 2008 Categoría:Grupos musicais de Suecia