A Muíña é un lugar da provincia de Lugo dividido entre dous concellos: a metade pertence á parroquia de Retizós no concello de Baleira e a outra metade á parroquia de Milleirós no concello de Pol. Está situado a 13 km de Meira e a 12 de Cádavo, cos que se comunica a través da estrada LU-750. Segundo o IGE, en 2013 tiña 44 habitantes. Deles, 24 pertencían á parroquia de Retizós (14 homes e 10 mulleres), mentres que os 20 restantes pertencían á parroquia de Milleirós (10 homes e 10 mulleres).
A división da aldea entre dúas xurisdicións parece que xa vén de bastante antigo, pois, nunha doazón de terreos na Muíña (Mullina) sobre o ano 1234, citan in uilla et loco de Mullina, que est inter Valongam et Valeyram .
Hai anos tivo certa actividade industrial. Aínda se conservan as construcións onde houbo unha planta de luz, un muíño e un forno do cal. Na zona que pertence ao concello de Pol hai unha capela.thumb|Capela da Muíña
A carón da Muíña atópase A Marronda, unha fraga con gran variedade de árbores e plantas. Antigamente celebrábanse as festas por San Pedro, aínda que hoxe xa non se fan.
Lugares Lugares de Retizós
Lugares de Milleirós
Parroquias Parroquias de Baleira
Parroquias de Pol
Notas
Categoría:Lugares divididos entre dúas parroquias Categoría:Lugares divididos entre dous concellos Categoría:Lugares de Baleira Categoría:Lugares de Pol