O Lea é un río galego da provincia de Lugo, afluente do Miño pola esquerda.
Percorrido O Lea nace preto do lugar de Laga, no sur do concello de Pol, e logo de atravesalo pasa ao concello de Castro de Rei, desaugando no Miño neste municipio, na aldea de Beloi. A súa lonxitude é de 23,5 km.
É un río de chaira, que pode desbordar cando hai chuvias extraordinarias.
Afluentes Destacan pola esquerda o río de Guimarás e o rego dos Corvos.
Réxime hídrico É un río de réxime pluvial, de tipo oceánico, consonte a pluviometría media da súa conca, estabelecida en 1.000 mm anuais.
Nome Recibe ese nome por atravesar a freguesía de Lea, no concello de Pol. Hai un río homónimo no País Vasco, que de seguro non ten que ver co nome do río galego. Como hai varias localidades galegas con este mesmo nome, o máis seguro, é que procedan dun posesor. Posibelmente remonte a unha *(villa) Eileuva / *(villa de) Eileuva, dun onomástico xermánico en nominativo.
Categoría:Ríos da provincia de Lugo Categoría:Afluentes do Miño