Iker Jiménez Elizari, nado en Vitoria o 10 de xaneiro de 1973, é un xornalista vasco.
Traxectoria Desde os comezos da súa actividade profesional especializouse en programas radiofónicos de tema esotérico, máxico e pseudocientífico, simultaneándoos ou alternándoos ás veces con outros deportivos ou de sucesos. En 1999 publicou con grande éxito de vendas o seu primeiro libro, Enigmas sin resolver, e desde entón, contribúe regularmente á lista de libros máis vendidos.
Presenta e dirixe o programa de televisión Cuarto Milenio, en Cuatro, e o programa de radio Milenio 3, na Cadena SER, ambos os espazos nocturnos, onde se abordan (a través de entrevistas e o que presenta como traballos de investigación) diversos fenómenos paranormais e outros enigmas sen resolver. Iker Jiménez nomea os seus programas "Naves del misterio".
Milenio 3, con 776.000 oíntes, bateu os mellores rexistros de audiencia, situándoo nunha marca nunca antes vista na radio española no horario de madrugada. O libro do programa, Milenio 3, El libro, estivo oito semanas entre os dez máis vendidos nas librerías españolas, e Cuarto Milenio consolidouse como unha das propostas de produción propia máis exitosas da canle de televisión Cuatro. Vida persoal
É esposo da tamén periodista Carmen Porter, coa que colabora en numerosos proxectos profesionais.
Véxase tamén Ligazóns externas Páxina oficial de Iker Jiménez
Categoría:Nados en 1973 Categoría:Nados en Vitoria Categoría:Xornalistas do País Vasco Categoría:Presentadores de televisión do País Vasco Categoría:Xornalistas radiofónicos da Cadena SER