250px|dereita|miniatura|Rebecca L. Felton, 18 de novembro de 1922.
Rebecca Ann Latimer Felton, nada en Decatur, condado de DeKalb (Xeorxia) o 10 de xuño de 1835 e finada o 24 de xaneiro de 1930, foi unha escritora, profesora, reformista estadounidense, e durante pouco tempo, unha política que se converteu na primeira muller en ser membro do Senado dos Estados Unidos, nomeada o 21 de novembro de 1922, e ocupando o cargo ata o día seguinte. Aos 87 anos de idade, foi tamén a senadora novata máis vella en acceder ao Senado. Ata o 2010, segue sendo a única muller que serviu como senadora de Xeorxia.Listaxe de Senadores por Xeorxia no Senado dos EUA.
Traxectoria Felton asistiu a escolas públicas e graduouse en 1852 na Universidade (College) Feminina Madison. Trasladouse ao condado de Bartow, Xeorxia en 1854 onde deu clases nunha escola.
Foi unha escritora, lectora e reformista cun interese especial pola agricultura, o dereito ao voto das mulleres, a liga contra o alcol e a segregación racial, da que era unha firme partidaria.
O marido de Felton, William Harrel Felton, foi un ministro Metodista cun interese similar pola agricultura. Serviu como secretaria ao seu marido cando foi elixido como Demócrata Independente para a Cámara de Representantes dos Estados Unidos, desempeñando o cargo desde 1884 ata 1890, e como fideicomisario da Universidade de Xeorxia desde 1886 ata 1892. Morreu o 24 de setembro de 1909 aos 86 anos, cando Rebecca Felton tiña 64.
Senadora En 1922, o gobernador Thomas W. Hardwick foi un candidato para a seguinte elección xeral ao Senado, cando o Senador Thomas E. Watson morreu prematuramente. Buscaba designar a unha persoa que non fose un competidor nas próximas eleccións especiais para cubrir o posto vacante, e un xeito de asegurarse o novo voto feminino descontento pola súa oposición á décimo novena emenda, Hardwick elixiu a Felton para servir como Senadora o 3 de outubro de 1922.
O Congreso non contaba reunirse de novo ata logo da elección, por iso había poucas posibilidades de que Felton puidese ser nomeada formalmente como Senadora. Con todo Walter F. George gañou a elección especial a pesar da estrataxema de Hardwick. No canto de tomar posesión do seu escano inmediatamente, cando o Senado convocouse de novo o 21 de novembro de 1922, George permitiu a Felton ser oficialmente investida no cargo. Felton converteuse así na primeira muller en ocupar un escano no Senado, e serviu ata que George deixou o cargo o 22 de novembro de 1922, un día despois.
Últimos anos Felton foi contratada como escritora e conferenciante e residiu en Cartersville, Xeorxia, ata a súa morte en Atlanta, Xeorxia. Foi enterrada no cemiterio Oak Hill en Cartersville.
Citas
Notas
Véxase tamén Ligazóns externas First woman senator appointed. Consultado o 5 de outubro de 2007.
Felton's memoirs online Uncorrected transcript of interview Richard Baker, Historiador do Senado, en C-SPAN programa de televisión de Q&A, 12 de xuño de 2005
Categoría:Escritores dos Estados Unidos de América Categoría:Escritores en lingua inglesa Categoría:Nados en 1835 Categoría:Finados en 1930 Categoría:Nados no condado de DeKalb, Xeorxia Categoría:Senadores dos Estados Unidos de América Categoría:Sufraxistas