Fernando Hoyos, nado en Vigo en 1943 e finado en Guatemala o 13 de xullo de 1982, foi un xesuíta que predicou e loitou en Guatemala seguindo a Teoloxía da liberación.
Traxectoria Ordenouse xesuíta en 1960 e realizou estudos de Humanidades, Filosofía e Teoloxía en universidades de Salamanca, Múnic, Lovaina e Comillas (Madrid).
Labor en Guatemala Xa formado na Teoloxía da liberación, chegou a Guatemala a comezos dos anos 70 e implicouse decididamente na solidariedade cun pobo privado de dereitos, masacrado polo Exército e en medio dunha pobreza e desigualdade extremas. O seu labor social e educativo deixou unha fonda pegada no país centroamericano. Acabou por se integrar no Exército Guerrilleiro dos Pobres (EGP) e morreu nun enfrontamento armado o 13 de xullo de 1982 sen que o seu corpo aparecese até o día de hoxe.
Véxase tamén Ligazóns externas
Categoría:Revolucionarios Categoría:Sacerdotes católicos de Galicia Categoría:Teólogos católicos Categoría:Xesuítas de España Categoría:Guerrilleiros de Galicia Categoría:Nados en Vigo Categoría:Nados en 1943 Categoría:Finados en 1982 Categoría:Alumnos da Universidade de Salamanca Categoría:Alumnos da Universidade de Múnic Categoría:Alumnos da Universidade Católica de Lovaina Categoría:Alumnos da Universidade Pontificia Comillas Categoría:Misioneiros Categoría:Personalidades de Galicia sen imaxes