Nunavut

Nunavut (en , que significa A nosa terra), é o maior e máis recente dos Territorios Autónomos do Canadá, situado ao nordés do país, entre Groenlandia (ao leste), Manitoba (ao sur), e os Territorios do Noroeste (ao oeste), territorio do que se separou oficialmente o 1 de abril de 1999, de acordo cos lindeiros fixados previamente en 1993. Desde 1996, ano en que se produciron disturbios entre o exército canadense e varios pobos inuit, como os oka, ipperwash e nativos de Gusafsen Lake, empezábase a advertir a arela destes pobos inuit por lograr unha maior autonomía para o territorio. Tras a recomendación que facía un informe da Comisión Real do Canadá sobre a conveniencia de conceder maior autonomía aos pobos aborixes do Canadá, esta chegou de forma efectiva a mediados de 1999. A creación de Nunavut deu lugar ao primeiro cambio importante no mapa político do Canadá en medio século desde que a provincia de Terra Nova (hoxe Terra Nova e Labrador) foi admitida en 1949.

Nunavut é a subdivisión de país menos densamente poboada do mundo (sen considerar a Antártida), sendo aínda menos poboada que Groenlandia. Cunha poboación de 36 858 habitantes segundo o censo canadense de 2021 (en comparación con 35 944 en 2016) formada na súa maioría por inuit e cunha masa de terra case tan grande como México, a superficie terrestre de Nunavut é de 1.836.993,78 km² e ten unha densidade de poboación de 0,022/km². A súa capital é Iqaluit (anteriormente coñecida como Frobisher Bay), que se atopa na illa de Baffin.

Nunavut tamén alberga o lugar habitado máis ao norte do mundo, Alert. Eureka, unha estación meteorolóxica da illa Ellesmere, rexistra a temperatura media anual máis baixa de calquera estación meteorolóxica canadense.

Xeografía Nunavut comprende unha gran parte do norte do Canadá e a maior parte do arquipélago ártico. O seu vasto territorio convérteo na quinta subdivisión de país meirande do mundo, así como na segunda máis grande de América do Norte (despois de Groenlandia). A capital Iqaluit foi elixida por un plebiscito capital en 1995. Destacan outras vilas importantes como Rankin Inlet e Cambridge Bay.

Nunavut inclúe a illa Ellesmere no extremo norte, as partes leste e sur da illa Victoria no oeste e todas as illas das baías de Hudson, James e Ungava, incluída a parte occidental da illa Killiniq no sueste e a illa Akimiski ao sur do resto do territorio. É a única rexión xeopolítica do Canadá que non está conectada co resto de América do Norte a través da estrada Panamericana.

Demografía Nunavut tiña unha poboación de 36 858 habitantes segundo o censo de 2021. Deles, 30 865 persoas identificáronse como inuit (84,3% da poboación total), 180 como Primeiras Nacións (0,5%), 120 como Métis (0,3%), 230 con respostas múltiples ou outros indíxenas (0,6%) e 5 210 como non indíxenas (14,2%). + Vilas máis poboadasVila201120162021Cambio2011-2021Iqaluit6 6997 7407 429 +10,9%Rankin Inlet2 5572 8422 975 +16,2%Arviat2 0602 6572 864 +39,0%Baker Lake1 7282 0692 061 +19,3%Igloolik1 5381 7442 049 +33,2%Cambridge Bay1 4521 7661 760 +21,2%Pond Inlet1 3151 6171 555 +18,3%Pangnirtung1 3251 4811 504 +13,5%Kinngait1 3631 4411 396 +2,4%Kugluktuk1 3021 4911 382 +6,1%

A taxa de crecemento da poboación de Nunavut estivo moi por enriba da media canadense durante varias décadas, principalmente debido a taxas de natalidade significativamente superiores á media canadense, unha tendencia que continúa. Entre 2011 e 2016, Nunavut tivo a taxa de crecemento demográfico máis alta de calquera provincia ou territorio canadense, do 12,7 %. A segunda máis alta foi a de Alberta, cunha taxa de crecemento do 11,6%. Entre 2016 e 2021, o crecemento da poboación aumentou un 2,5% (o terceiro máis baixo), un descenso de 10,2 puntos porcentuais con respecto ao censo anterior.

Linguas As linguas oficiais son as linguas inuit (nas súas variantes inuktitut e inuinnaqtun), tamén coñecidas colectivamente como inuktut, o inglés e o francés. e Your Linguistic Rights en Office of the Language Commissioner of Nunavut

Das 34 960 respostas á pregunta do censo relativa á "lingua materna" no censo de 2016, as linguas máis frecuentes en Nunavut foron: + Lingua materna Posto Lingua Número de falantes Porcentaxe 1Inuktitut22 07063,1% 2Inglés11 02031,5% 3Francés5951,7% 4Inuinnaqtun4951,4% No momento do censo, só se contabilizaban como linguas oficiais o inglés e o francés. As cifras mostradas corresponden ás respostas nun só idioma e á porcentaxe do total das respostas nun só idioma. No censo de 2016 informouse de que 2 045 persoas (5,8%) que vivían en Nunavut non falaba nin o inglés nin o francés.Population by knowledge of official language, by province and territory (2006 Census) . Statistics Canada. Consultado o 15 de xaneiro de 2010. O censo de 2016 tamén informou de que dos 30 135 inuit de Nunavut, o 90,7% podía falar inuktitut ou inuinnaqtun.

Relixión No censo de 2021, o 73,5% da poboación de Nunavut profesaba o cristianismo (principalmente o anglicanismo), un descenso con respecto ao 86% recollido no censo de 2011. A porcentaxe de poboación non relixiosa pasou do 13% en 2011 ao 24,9% no censo de 2021. Ao redor do 1,6% da poboación informou outra afiliación relixiosa, incluíndo a espiritualidade aborixe, o hinduísmo, o islam, o budismo e outros.

Clima

<noinclude>

Notas

Véxase tamén

Ligazóns externas Páxina oficial do goberno de Nunavut

Categoría:Nunavut