miniatura|Molete de pan de Cea. miniatura|250px|Monumento ás panadeiras e panadeiros de Cea (2003). miniatura|250px|Anuncio do pan de Cea. O pan de Cea é un tipo de pan con Indicación Xeográfica Protexida que se fai en panadarías do concello de San Cristovo de Cea, na provincia de Ourense. A característica deste pan é a fariña, elaborada con trigo do país. Tamén é moi importante a súa elaboración artesanal. A festa deste pan celébrase no mes de xullo.
Indicación Xeográfica Protexida O produto foi recoñecido en 2004 e inscrita como Indicación Xeográfica Protexida en 2005Orde do 16 de abril de 2004, da Consellería de Política Agroalimentaria e Desenvolvemento Rural (DOG 23.04.2004)Reglamento (CE) nº 205/2005 de la Comisión, de 4 de febrero de 2005, que completa el anexo del Reglamento (CE) nº 2400/96 en lo que atañe al registro de determinadas denominaciones en el Registro de Denominaciones de Origen Protegidas y de Indicaciones Geográficas Protegidas (Valdemone - [DOP, Queso Ibores - [DOP], Pera de Jumilla - [DOP], Aceite de Terra Alta u Oli de Terra Alta - [DOP], Sierra de Cádiz - [DOP], Requeijão Serra da Estrela - [DOP], Zafferano dell'Aquila - [DOP], Zafferano di San Gimignano - [DOP], Mantecadas de Astorga - [IGP] y Pan de Cea - [IGP])].. Amparaba en 2020 un total de 15 fornos e unha produción certificada de 423.205 kg, cun valor de 1.058.013 €.
Dende 1991, o primeiro domingo de xullo celébrase no Campo da Saleta de Cea a Festa de Exaltación do Pan de Cea.
Ingredientes O pan de Cea leva como ingredientes fariña de trigo do país, auga, sal e fermento.O Produto: Elaboración - CRIXP Pan de Cea
Preparación O proceso de preparación do pan ten varias fases segundo a indicación xeográfica e da denominación de orixe.Publicación de una solicitud de registro con arreglo al apartado 2 del artículo 6 del Reglamento(CEE) 2081/92 del Consejo, relativo a la protección de las indicaciones geográficas y de las denominaciones de origen (2004/C 98/09) Diario Oficial de la Unión Europea N CE: ES/00310/20.8.2003 Amasado manual durante un mínimo de 60 minutos, 45 se é a máquina. Reposo («Durmi-lo neno») durante uns 45 ou 60 minutos, segundo as condicións ambientais. División da masa («Tasar») de xeito manual en porcións de 1,5 kg ou 0,75 kg. Reamasado («Tendas»), volta a amasar o pan 25 a 30 minutos en tres xeiras ou só dúas se as condicións ambientais o permiten. Enfornado, faise un corte transversal («fenda») no centro da parte superior da masa e vai para o forno. Cocción, cheo o forno quedan as pezas un mínimo de 120 minutos co forno pechado. Rever, as pezas de pan, unha vez sacadas do forno, deben permanecer en maduración, arrefriando un mínimo dunha hora en estantes de madeira.
Características Os bolos de pan de Cea teñen forma longa e redondeada nos extremos, cunha fenda transversal enriba. A forma dos pans ten dúas medidas e formas características: A peza ou «Poia» dun peso entre 1 e 1,2 kg. Dunhas medidas aproximadas do dobre de longas que anchas: ancho entre 15 e 18 cm e longo entre 32 e 38 cm. A media peza ou «Molete» 0,5 ou 0,6 kg. Dobre de longo que ancho: 9 e 11 cm e un longo entre 22 e 27 cm.
A codia é grosa, de espesor variable de entre 0,5 e 1 cm. Consistencia dura e ríxida, con rotura renxente e con tendencia a facer lascas. A cor vai dende o dourado ata castaño escuro, de sabor a tostado.
O miolo é de textura esponxosa, fibrosa e firme, alveolado non moi abundante, distribuído de forma irregular e de tamaño moi variable, non uniforme. Ten cor apergamiñada, lembra ao gran de trigo enteiro, é de sabor intenso a trigo.
Notas
Véxase tamén Ligazóns externas Páxina web oficial da Indicación Xeográfica
Categoría:Denominacións de Orixe de Galicia Categoría:Pans de Galicia Categoría:San Cristovo de Cea