Tarawa Sur (en ) é a capital do Estado das illas Kiribati, unha mancomunidade urbana do atol de Tarawa. O seu nome completo en kiribatiano é Teinainano Urban Council (literalmente «consello urbano da vela»), con frecuencia abreviado como TUC. En 2010 tiña 50 182 habitantes.
Xeografía Sita no atol de Tarawa, a cidade espállase desde Bairiki a Bonriki, sobre unha trintena de quilómetros, abranguendo unha decena de illotes unidos entre si, o que equivale a toda a rama meridional do atol (de aí o nome xilbertense de «vela», pois a forma do atol lembra unha vela latina). A rama norte denomínase en xilbertense «ieta» («mastro»).
Características urbanas Bairiki Bairiki está considerada como o centro administrativo principal da república de Kiribati, pois é sede da presidencia e dalgúns ministerios, mais non é unha colectividade territorial falando con propiedade. En Ambo sitúase o Parlamento, dito Maneaba ni Maungatabu.
Tarawa Sur é tamén a sede do bispado católico de Tarawa e de Nauru, da Igrexa protestante de Quiiribati e de numerosos organismos de todo tipo: a Escola Normal, o hospital Tungaru, o instituto Moroni (Igrexa de Xesucristo dos Santos dos Últimos Días)), así como dun centro da Universidade do Pacífico Sur.
A cidade concentra un cuarto da poboación da república e elixe tres deputados para o Parlamento (Maneaba ni Maungatabu) sobre un total 42 deputados.
Comunicacións Está unida á illa de Betio pola ponte Japanese Causeway ("a calzada xaponesa") desde a década de 1980. O illote de Bonriki posúe un aeroporto internacional.miniatura|Mapa do atol de Tarawa — Tarawa Sur esténdese desde Bairiki a Bonriki|centro Notas
Tarawa Sur Categoría:Capitais de Oceanía