Joan Laporta i Estruch, nado en Barcelona o 29 de xuño de 1962, é un avogado e político catalán, presidente do Fútbol Club Barcelona entre 2003 e 2010.
Traxectoria Formación É licenciado en Dereito pola Universidade de Barcelona (UB) é membro do Ilustre Colexio de Avogados de Barcelona e do Padroado e da Comisión Executiva da Fundación Ernest Lluch. Tamén é mestrado en Dereito de Sociedades e Expertos tributarios do Instituto de Estudos Superiores Abat Oliba de Barcelona e Diplomado en curso de Dereito de sociedades mercantís polo Ilustre Colexio de Avogados de Barcelona.
Actividade laboral Ademais, Laporta é socio fundador e titular do bufete de avogados "Laporta & Arbós" e profesor colaborador en Seminario de Dereito Inmobiliario e Rexistral da Facultade de Arquitectos Técnicos da Universidade de Barcelona (UB). Tamén foi asesor persoal do cónsul xaponés en Barcelona.
En 2010 fundou o partido político Democràcia Catalana co obxectivo de declarar a Independencia de Cataluña. Para ás eleccións ao Parlamento de Cataluña de 2010, Democràcia Catalana atópase integrada dentro de Solidaritat Catalana per la Independència (SI). Actualmente ocupa un escano no Parlamento de Cataluña.
Está separado de Constanza Echevarría e é pai de tres fillos.
Categoría:Presidentes do Futbol Club Barcelona Categoría:Políticos de Cataluña Categoría:Nados en 1962 Categoría:Nados en Barcelona