Hyūga (日向市, ひゅうがし, Hyūga-shi) é un concello da prefectura de Miyazaki no Xapón. O 1 de outubro de 2023, a cidade tiña unha poboación estimada de 57.746 habitantes e unha densidade de poboación de 170 persoas por km². o que a converte na cuarta cidade máis grande da prefectura de Miyazaki en termos de poboación. A área total da cidade é de 336,94 km².
Hyūga é unha cidade portuaria coñecida pola produción de pedras de Go e polas súas praias, moitas das cales son lugares populares para o surf.
Orixe do nome A cidade de Hyuga tomma o seu nome da provincia de Hyūga (日向国, Hyūga/Hinata no kuni), o nome histórico da que hoxe é Prefectura de Miyazaki. Segundo unha lenda xaponesa do Nihon Shoki, tras a conquista do pobo Kumaso, o emperador Keikō viu o amencer sobre o océano e dixo: "Este país mira directamente cara ao amencer" (この国は真っ直ぐに日の出る方に向いている, Kono kuni wa massugu ni hinoderu hou ni muite iru). A partir dese momento, a provincia foi coñecida como Hyuga ou Hinata (o país mirando ao sol) ata a Restauración Meiji cando pasou a chamarse Miyazaki.
Xeografía Hyūga está situada no centro da prefectura de Miyazaki. Limita co mar de Hyūga ao leste e coas montañas de Kyushu ao oeste. A zona ao longo do cabo Hyūga, coas súas rochas hexagonais expostas e a costa en forma de ria (dente de serra), está designada como parte do case Parque Quasi-Nacional Nippō Kaigan. Un pouco ao sur atópanse praias como Ise-ga-hama, Okura-ga-hama e Kane-ga-hama, coñecidas polo seu surf. miniatura|300x300px|Foto aérea da cidade de Hyūga (2018) miniatura|300x300px|Porto de Hososhima
Concellos limítrofes Prefectura de Miyazaki
Kadowaga Kijō Misato Tsuno
Clima Hyūga está situada na zona climática subtropical húmida (clasificación climática de Köppen: Cfa), onde se distinguen catro estacións. Ten un clima subtropical suave pero húmido, sen estación seca. O clima é comparable ás zonas costeiras do sur dos Estados Unidos ou ao sur de Europa. A temperatura media diúrna no verán é duns 30 °C (86 °F) cun 80 % de humidade. A temperatura media diúrna no inverno é duns 13 °C (56 °F) cun 60 % de humidade. O comezo do verán está marcado pola estación chuviosa en xuño e xullo. A isto séguelle un verán cálido e húmido e sol diario, pero a miúdo acompañado de tifóns. O inverno é suave con pequenas cantidades de choiva.
Demografía En novembro de 2020, Hyūga tiña unha poboación total de 59.629 persoas, das cales 28.372 eran homes e 31.257 mulleres.
Historia Os arqueólogos que traballan en Hyūga informaron do achado de artefactos como ferramentas de pedra e moreas de pedra de ata 30.000 anos atrás, o período paleolítico xaponés. Tamén hai evidencias de poboación durante o período Jōmon. As escavacións arqueolóxicas que descobren cerámica deste período continúan hoxe en día nalgunhas partes da cidade.
Durante o período Edo, Hyūga estivo dividida entre as posesións do dominio Nobeoka e o territorio tenryō administrado directamente polo shogunato Tokugawa. Tras a Restauración Meiji, a cidade de Hososhima e as aldeas de Iwawaki e Tomidaka foron establecidas o 1 de maio de 1889 coa creación do sistema de municipios modernos. Tomidaka foi elevada á categoría de cidade o 1 de outubro de 1921. O 1 de outubro de 1937, Hososhima e Tomidaka fusionáronse para formar a cidade de Toshima. Toshima fusionouse con Iwawaki para formar a cidade de Hyūga o 1 de abril de 1951.
Consolidación municipal A cidade moderna de Hyūga é o resultado da fusión de numerosas vilas e aldeas máis pequenas. Estas fusións comezaron ao comezo do período Meiji, cando se aboliu o sistema han e xurdiu o concepto de vilas e cidades. Este período, entre 1888 e 1889, coñecéuse como a Gran Consolidación Meiji. Despois disto, as vilas continuaron a fusionarse principalmente debido a limitacións de poboación ou financeiras. A fusión máis recente en 2006 con Tōgō (do distrito de Higashiusuki) formou parte da Gran Consolidación Heisei. Esta foi unha iniciativa gobernamental para contrarrestar o declive da poboación e os problemas financeiros, ao mesmo tempo que promovía a descentralización do goberno nacional. Esta fusión aumentou a poboación, os impostos e a autonomía da cidade de Hyuga.
Goberno Hyūga ten unha forma de goberno de alcalde-consello cun alcalde elixido directamente e un consello municipal unicameral de 20 membros. Hyūga achega dous membros á Asemblea Prefectural de Miyazaki. En termos de política nacional, a cidade forma parte do segundo distrito de Miyazaki da cámara baixa da Dieta do Xapón.
Economía Hyūga é un importante centro industrial, con moitas plantas químicas pertencentes ao grupo Asahi Kasei. Outras industrias importantes inclúen a fundición, a produción de titanio e o procesamento de alimentos.
Educación Hyūga ten 13 escolas de primaria, sete escolas de secundaria e tres institutos. O Consello de Educación de Miyazaki tamén xestiona unha escola de educación especial para persoas con discapacidade.
Transporte JR Kyushu - Liña Principal Nippō
Cidades irmandadas
Weifang, Shandong, China (1986)
Atraccións locais
Eventos culturais anuais
O Festival de Verán de Hyottoko (ひょっとこ夏祭り, hyottoko natsu matsuri) ten lugar o primeiro venres e sábado de agosto de cada ano. É o festival máis grande da cidade de Hyuga e atrae visitantes de todo o Xapón. A peculiar danza asociada a este festival non é exclusiva da cidade de Hyuga, pero é a danza Hyottoko máis famosa do Xapón; como tal, tanto ela como os personaxes da danza convertéronse en símbolos da cidade. O Festival Hyuga Jugoya (日向十五夜祭, hyuga jugoya matsuri) ten lugar durante setembro ou outubro segundo a lúa da colleita. Na cidade de Hyuga, este evento inclúe dúas danzas, a danza Jugoya máis tradicional e unha danza tradicional específica da rexión de Togo. Este é o segundo festival máis grande da cidade de Hyuga.
Personaxes de sona Oh! Great (大暮 維人, おおぐれいと, 1972 - ) - Mangaka
Notas
Véxase tamén Outros artigos Lista de concellos do Xapón
Ligazóns externas Sitio web oficial da cidade de Hyūga .
Categoría:Prefectura de Miyazaki Categoría:Concellos do Xapón