A Association Sportive Nancy-Lorraine, máis coñecido como Nancy, é un club de fútbol francés, da cidade de Nancy. Foi fundado en 1910 e xoga na Ligue 2 francesa, logo de descender na tempada 2012–13.
Historia
A Association Sportive Nancy-Lorraine fundouse en 1910 co nome de US Frontière. En 1928 o club chámase AS Lorraine, e xa en 1967 o equipo refúndase (xa que desapareceu por problemas económicos) e cámbiase o nome polo actual.
En 1978 o equipo gaña o seu primeiro título, a Copa de Francia en cuxa final derrotou ao Niza por 1-0.
A tempada 2004/05 quedou primeiro da Ligue 2 conseguindo o ascenso á Ligue 1.
A tempada 2007/08 estiveron sempre entre os tres primeiros. Desgraciadamente no último partido, empataron, cedendo o terceiro posto ao Olympique de Marsella. Desta forma tan cruel o ASNL quedou sen posibilidades de disputar a Champions League.
Uniforme Uniforme titular: Camiseta branca e vermella, pantalón branco e medias brancas. Uniforme alternativo: Camiseta vermella, pantalón vermello e medias negras.
Estadio Stade Marcel Picot, inaugurado o 8 de agosto de 1926 co nome de Le Parc des sports, reaberto en 2002. O estadio ten capacidade para 20 087 persoas.
Outros estadios do club: a Pépinière e stade Drouot.
Datos do club Tempadas na Ligue 1: 23 Tempadas na Ligue 2: 18 Mellor posto na liga: 4º (tempadas 1976-77 e 2007-08) Peor posto na liga: 20º (tempada 1991-92)
Xogadores Cadro actual Actualizado o 6 de xaneiro de 2012
Palmarés Torneos nacionais Copa de Francia (1): 1978 Copa da Liga (1): 2006 Ligue 2 (4): 1975, 1990, 1998, 2005
Ligazóns externas Sitio web oficial (en francés)
Nancy-Lorraine