Rush é unha banda canadense de rock progresivo formada en agosto de 1968 na veciñanza de Willowdale de Toronto, Ontario. Actualmente está composta polo baixista, teclista e vocalista Geddy Lee, o guitarrista Alex Lifeson e o batería Neil Peart. A banda sufriu moitos cambios na súa formación entre 1968 e 1974, acadando a súa forma definitiva cando Neil Peart substituíu o batería orixinal John Rutsey en xullo de 1974, dúas semanas antes da súa primeira xira polos Estados Unidos.
Dende a edición do seu álbum de estrea en marzo de 1974, Rush fíxose coñecida polas habilidades instrumentais dos seus membros, as súas complexas composicións, e os seus eclécticos motivos líricos con grandes doses de ciencia ficción, fantasía e filosofía, e que tamén abordan temas humanitarios, sociais e medioambientais. O estilo musical de Rush foi cambiando ao longo dos anos, comezando cun heavy metal inspirado no blues no seu primeiro álbum, e abarcando posteriormente hard rock, rock progresivo e incluso pasando por un período cun forte uso dos sintetizadores. A banda foi citada como influencia de varios artistas musicais, como Metallica, Primus, Rage Against the Machine e The Smashing Pumpkins, así como os grupos de metal progresivo Dream Theater e Symphony X.
Discografía Álbum Ano Selo Rush 1974 Moon Records Fly by Night 1975 Mercury Records Caress of Steel 1975 Mercury Records 2112 1976 Mercury Records A Farewell to Kings 1977 Mercury Records Hemispheres 1978 Mercury Records Permanent Waves 1980 Mercury Records Moving Pictures 1981 Mercury Records Signals 1982 Mercury Records Grace Under Pressure 1984 Mercury Records Power Windows 1985 Mercury Records Hold Your Fire 1987 Mercury Records Presto 1989 Atlantic Records Roll the Bones 1991 Atlantic Records Counterparts 1993 Atlantic Records Test for Echo 1996 Atlantic Records Vapor Trails 2002 Atlantic Records Feedback 2004 Atlantic Records Snakes & Arrows 2007 Atlantic Records Clockwork Angels 2012 Roadrunner Records
Véxase tamén Ligazóns externas Páxina oficial
Categoría:Grupos musicais de rock progresivo Categoría:Grupos musicais de hard rock Categoría:Grupos musicais de heavy metal Categoría:Grupos musicais de Ontario Categoría:Grupos musicais formados en 1968