"Aneurysm" é unha canción da banda estadounidense de grunge Nirvana. O tema destaca por ter sido escrito por todos os membros da banda, a diferenza da meirande parte das cancións, compostas polo seu líder Kurt Cobain. Unha enquisa feita pola BBC Radio 1 no ano 2000 elixiuna como terceira mellor canción de Nirvana, despois de "Smells Like Teen Spirit" e "Heart-Shaped Box".
A versión orixinal de estudio, gravada o 1 de xaneiro de 1991, apareceu como cara-b do sinxelo "Smells Like Teen Spirit" en 1991, e tamén no EP Hormoaning, aparecido en Australia e o Xapón en 1992. Esta sería incluída no box set de rarezas With the Lights Out, lanzado no ano 2004. Gravouse unha segunda versión de estudio o 9 de novembro do mesmo ano para o programa da BBC Mark Goodier's Evening Session. Esta aparece no álbum de rarezas de 1992 Incesticide, e conta cun tempo máis rápido, e un efecto estéreo máis amplo.
Categoría:Sinxelos de 1996 Categoría:Composicións musicais de grunge Categoría:Cancións de Nirvana