miniatura|dereita|Vista do edificio da Biblioteca de Galicia. A Biblioteca de Galicia é a biblioteca cabeceira do sistema bibliotecario galego, dependente da Xunta de Galicia. Inaugurouse o 11 de xaneiro de 2011. e ten a súa sede na Cidade da Cultura de Galicia de de Santiago de Compostela, nun edificio deseñado polo arquitecto estadounidense Peter Eisenman.
Características miniatura|Interior. Representa o sistema bibliotecario galego ante todos os organismos, foros e plataformas internacionais do eido bibliotecario. A Biblioteca arrincou con máis de 250 000 volumes, sen contar prensa, e un equipo de trinta persoas.Desde manuscritos de Rosalía a papeles con sabor a chocolate 26/12/2010 . En 2013 os seus fondos contaban con 800 000 volumes aproximadamente. Ten 15.702 m² útiles, distribuídos en seis alturas. A biblioteca, cuxa misión é a de reunir, conservar e difundir o patrimonio bibliográfico de Galicia e toda a produción impresa, sonora, audiovisual ou informática vencellada co mesmo, garda na súa colección dende volumes do século XVI, manuscritos ou primeiras edicións dos autores do Rexurdimento ata carteis de festas, reflexo da historia do país. Asemade, promove e difunde a cultura galega, facilitando o acceso ao patrimonio bibliográfico galego, xa sexa de xeito presencial ou virtual, e será unha peza clave para as actividades culturais relacionadas co libro, a lectura e as bibliotecas. Neste marco, destinará recursos especiais á promoción da literatura infantil e xuvenil en lingua galega, potenciando o seu valor e a diversidade cultural.
Tanto os cidadáns en xeral como o público profesional poden acceder á información relevante para usos culturais e educativos.
miniatura|Interior. O edificio tamén custodia os fondos do Consello da Cultura Galega: Arquivo da Emigración Galega.Arquivo da Emigración Galega (CCG) Arquivo Sonoro de GaliciaArquivo Sonoro de Galicia (CCG) e o Centro de Documentación Sociolingüística.Centro de Documentación Sociolingüística de Galicia (CCG)
Fondos e coleccións Na Biblioteca de Galicia custódianse as bibliotecas persoais de Xesús Alonso Montero, Celso Collazo Lema, Isaac Díaz Pardo, Basilio Losada, Luis Losada Espinosa, Rodolfo Núñez de las Cuevas, Luz Pozo Garza, María Xosé Queizán e Agustín Sixto Seco.Bibliotecas de Autor- Biblioteca de Galicia, 26/08/2013.
A colección da hemeroteca histórica iníciase co primeiro xornal publicado en Galicia, El Catón Compostelano. Esta hemeroteca inclúe tanto cabeceiras publicadas en Galicia como na emigración (Caras y Caretas, El Eco de Galicia...).
A cartoteca inclúe os fondos que ingresan por depósito legal desde o ano 2008, amais da colección de mapas de Carlos Díaz e Alicia Castro. Esta colección inclúe a maioría dos mapas antigos impresos dende o século XVI (190 mapas) con exemplares como os de Ojea ou a Carta Xeométrica de Galicia de Domingo Fontán. Tamén no 2008 o xeógrafo Nuñez de las Cuevas doou a súa colección bibliográfica que inclúe 387 mapas. Entre eles atópanse mapas realizados na segunda guerra mundial como os realizados polo exército alemán cando non estaba completo o Mapa Topográfico Nacional. Destaca asemade o mapa usado polo Estado Maior do Xeneral Dwight D. Eisenhower, en 1945, indicando as distintas zonas de acción e ocupación de Alemaña polos diferentes países da coalición.
Na biblioteca gárdanse tamén fondos gráficos, sonoros e audiovisuais.
Notas
Véxase tamén
Outros artigos Galiciana Centro Superior Bibliográfico de Galicia Ligazóns externas Biblioteca de Galicia CidadedaCultura.org Galiciana
Categoría:Cidade da Cultura de Galicia Categoría:Bibliotecas de Galicia Categoría:Bibliotecas nacionais