Pedro Fernández de Castro Andrade e Portugal, nado na Coruña o 19 de xuño de 1524 e finado en Madrid o 21 de agosto de 1590, foi o V conde de Lemos e un dos aristócratas máis importantes do reino de Galiza durante o século XVI.
Traxectoria Era o fillo primoxénito de Fernando Ruiz de Castro Osorio e Portugal, ao que sucedeu en 1575, e da súa esposa Tareixa de Andrade, primoxénita de Fernando de Andrade, II Conde de Vilalba e I Conde de Andrade. Ostentou os títulos de V Conde de Lemos, II Marqués de Sarria, III conde de Vilalba e II conde de Andrade. Na súa persoa fusiónanse as Casas de Andrade e Lemos
Tivo varios fillos, entre eles Fernando Ruiz de Castro Andrade e Portugal.
Criado na corte do emperador Carlos V prestou grandes servizos militares a Filipe II durante a guerra con Portugal. Faleceu repentinamente aos 66 anos de idade.
Categoría:Condado de Lemos Categoría:Nados na Coruña Categoría:Nados en 1524 Categoría:Finados en 1590 Categoría:Nobres de Galicia do século XVI