Constantino Gómez Barcia, nado en Portomarín en 1956 e finado en Mondragón o 13 de marzo de 1977, foi un axente da Garda Civil asasinado por ETA.
Traxectoria Fillo e irmán de gardas civís, ao pasar a ser axente el mesmo, foi destinado a Oñate, no País Vasco. A noite do 13 de marzo de 1977 volvía en coche da sala de festas Alexander, na localidade guipuscoana de Arrasate, con outros tres gardas civís e coa moza dun deles. Na gallada da estrada C-6322 Beasain-Durango coa C-6312 Mondragón-Bergara, un coche detívose diante deles, e un grupo de homes pertencentes a ETA saíron del e dispararon contra o vehículo. A policía apuntou no seu día que as persoas pertencían ao comando Besaide quen foron detidos e postos a disposición xudicial sendo liberados en aplicación da Ley de amnistía de 1977, e un dos moitos asasinatos cometidos por ETA que está sen esclarecer. Gómez Barcia foi o único falecidoMuerte en el ceda el paso. e foi soterrado en Oviedo se ben actualmente os seus restos atópanse soterrados no cemiterio de Lalín, onde foron a residir os seus pais.
Notas
Categoría:Nados en Portomarín Categoría:Nados en 1956 Categoría:Finados en 1977 Categoría:Galegos asasinados por ETA Categoría:Personalidades de Galicia sen imaxes