Berberecho é unha curtametraxe de Xosé Manuel Bazarra "Sepi", rodada en maio de 2001 en Santiago de Compostela. Estivo nomeada á mellor curtametraxe nos Premios Mestre Mateo 2002.
Sinopse Un home inadaptado senta nun bar a reflexionar sobre a vida e sobre os parroquianos do bar, o Berberecho, situado nunhas galerías do ensanche compostelán. Úsase a técnica da voz en off para reflectir os pensamentos do protagonista, que fala da situación social e política do momento, incluíndo os éxitos do Deportivo da Coruña ou o goberno de José María Aznar.
Inclúe os temas "Me sobra carnaval", de Los Enemigos, "Al borde" de Ilegales, "La línea del frente" de Kortatu, "Instinto" de Leño e o tema principal da serie de animación xaponesa Mazinger Z.
Véxase tamén Ligazóns externas Berberecho, en YouTube.
Categoría:Curtametraxes galegas Categoría:Filmes de 2001 Categoría:Filmes en lingua galega