Manuel López Rodríguez, tamén coñecido como Manuel L. Rodrigues ou Manuel Lôpez Rodrigues, nado en Noia o 11 de febreiro 1978, é un poeta, artista e editor galego.

Traxectoria

Nado en Noia, comezou a escribir poesía con 16 anos, moi influído pola estética modernista e romántica no instituto Virxe do Mar, onde cursou o BUP. Nesta época uniuse a un grupo de amigos estudantes: músicos, poetas, pintores etc. que se xuntaban na cervexaría M15. Recitou por vez primeira na Biblioteca Municipal de Noia, onde leu poemas de Mareas de luz, libro premiado semanas antes nun certame dos centros de ensino de Noia. O ano anterior fora accésit dese mesmo certame.

Nos anos 1996 e 1997 fundou o Grupo Literario-artístico Avilés e cofundou a Tertulia Literaria Adamajuana. No 1998 botou a andar, con outros creadores, o Colectivo Literario Sacou, grupo que o levou a recitar por toda Galiza, e a traer a Noia unha manchea de autores así como a organizar as Xornadas de Defensa da Cultura Galega.

Cara 1999, e tras comezar os estudos en Compostela, decidiu abandonar a estética neomodernista por outra de corte máis urbana, política e social. A primeiros do 2000 organizou, cos compañeiros do Colectivo Sacou, as I Xornadas de Defensa da Cultura Galega. En 2000 foi parte do xurado do Certame de poesía Francisco Añón. Ao ano seguinte incorporouse á Asociación Cultural Éteatro. Un tempo despois entrou como membro da Asociación Audiovisual Paradiso. Participou, xunto a Ramón Blanco Fernández, e en representación do Colectivo Sacou, no recital de poetas novos do World Poetry Day en Santiago de Compostela. No verán, e dentro das II Xornadas de Defensa da Cultura Galega, xestionou e comisionou a 1ª Mostra de Arte Independente Galega.

En febreiro de 2003 participou, recitando un poema de Antón Avilés de Taramancos, no Concerto expansivo organizado por Burla Negra, en apoio á plataforma Nunca Máis, contra o desastre do Prestige. En novembro inaugurou, na Casa da Cultura, as IV Xornadas de Defensa da Cultura Galega presentando a Ana Romaní, Pilar Sampedro e Manolo Barreiro nun debate sobre a dinamización cultural de Antón Avilés na vila. Participou tamén no espectáculo poético-teatral Agora rei... bebamos.

A partir do 2005 volveu mudar o xeito de escrita abandonando a poesía social e urbana por outra de corte máis formal. Participou na antoloxía 37 poemas por man propia da Colección Bourel, xestionada por Antonio Piñeiro. En 2008 publicou o seu primeiro libro, Antítese nativa, gañador do XIV Premio de poesía Suso Vaamonde. Ao ano seguinte incorporouse como membro da ACC Terra de Outes. En 2010 fundou a iniciativa editorial Acha Escrava Editora, que abriu coa segunda edición ampliada de Antítese nativa.

En 2013 organizou o I Encontro de Poetas en Idioma Galego, no Salón de Plenos do Concello de Noia, e cofundou o proxecto poético-musical 'NoN SomoS NóS', con Manolo Mariño, onde mesturaban poemas de 'Antítese nativa' con cancións dos '7LVVAS'. Posteriormente, no 2014, organizou a segunda edición do "Encontro" na igrexa-museo Santa María a Nova, en Noia. En 2016 organizou coa Lanzadeira de Alcor, plataforma creada por el, diversas presentacións de libros na Casa da Cultura de Noia con autores como Eduardo Estévez, Helena Villar Janeiro, Marta Dacosta, Francisco Castro etc. e o ciclo In-verso en Compostela con dous recitais colectivos, un de poetas medianamente consagrados e outro de poetas novos. Ese mesmo ano, no mes de xullo, ten cabida o 3º Encontro de Poetas en Idioma Galego na Serra de Outes

No 2019 botou a andar o proxecto artístico Mostra Branca, onde mesturaba pintura, poesía e fotografía, expoñendo en diversas cidades e vilas da Galiza.

En 2020 publicou tres poemarios: Rompe, Desde onde non nace e Vangarda ule. Unha peza da súa autoría foi seleccionada para a exposición colectiva de autores galegos Barbantiarte 2020.

No 2021 publicou os libros Nas pulsacións e Para que non me esqueza.

No 2022 gañou os premios de poesía Lueiro Rey, Francisco Añón, Rosalía de Castro e Díaz Castro. Publicou o micropoemario "Arquitectónica" na revista madrileña Olga. Participou na mostra artística colectiva Barbantiarte 2022 coa peza S/t (Serie 3).

No 2023 publicou os libros Neste mesmo intre e Cruz(eiro) e gañou o Certame de poesía Johán Carballeira.

Obras Poesía Antítese nativa (2008) Fundación Amigos de Galicia. 2ª edición aumentada en 2010, por Acha Escrava, ISBN 978-84-937986-0-4. Rompe (2020). Pontevedra: Editora Urutau. 70 páxs. ISBN 978-65-87076-15-7. Desde onde non nace (2020). A Coruña: Medulia Editorial. 48 páxs. ISBN 978-84-12154610. Vangarda ule (2020). A Coruña: Medulia Editorial. 40 páxs. ISBN 978-84-122825-1-1. Portada de Xosé Randolfe Vilariño. Nas pulsacións (2021). Culleredo: Espiral Maior. 59 páxs. ISBN 978-84-122271-5-4. Para que non me esqueza (2021). Silleda: Edicións Fervenza. 76 páxs. ISBN 978-84-18136-55-9. Baixo terra. No ar (2022). Vigo: Xerais. 104 páxs. ISBN 978-84-1110-156-1. ePub: ISBN 978-84-1110-159-2. O cemiterio. A néboa (2022). Silleda: Edicións Fervenza. 62 páxs. ISBN 9788418136863. A flor da letra (Estampa de lectura con percusión, para nenos e nenas) (2022). Ferrol: Edicións Embora. ISBN 9788417824761. Poesía infantil. Neste mesmo intre (2023). Deputación da Coruña. ISBN 978-84-9812-398-2. Cruz(eiro) (2023). Editorial Caldeirón. ISBN 978-84-124849-8-4. Fío (2023). Silleda: Edicións Fervenza. 52 páxs. ISBN 978-84-19840-11-0. Deica cantil (2023). Amazon KDP. 831-urb (2024). Vigo: Xerais. 72 páxs. ISBN 978-84-1110-485-2. ePub: ISBN 978-84-1110-493-7. As Palabras do sur (2024). Santiago: Chan da Pólvora. 47 páxs. ISBN 978-84-128741-0-5. Onde nace (2026). A Coruña: Medulia Editorial. 42 páxs. ISBN 9791388061134. Ambiente (2026). Culleredo: Espiral Maior. 50 páxs. ISBN 979-13-991182-6-1.

Obras colectivas 37 poemas por man propia, Colección Bourel. Arquitecturas (2019), co poemario 'Deica cantil', M Editora. Revista Olga (2022), co poemario 'Arquitectónica'.

Premios XIV Premio de poesía Suso Vaamonde, 2008. Segundo premio do certame Leiras Pulpeiro de Poesía, 2019. Premio López Ardeiro de Poesía, 2019. Terceiro premio do certame de poesía do Concello de Mos 2000 polo libro A muller-noite na rúa. II Premio de Poesía Eduardo Pondal, 2020.O II Premio de Poesía Eduardo Pondal marcha para Noia Premio de poesía Concello de Carral, 2020. Accésit no Premio de poesía Francisco Añón de Outes, 2020. Certame Literario Concello de Rois (modalidade poesía), 2021. Ex aequo o Premio Literario Arume para a infancia, 2021. XXV Premio de poesía Avelina Valladares, 2021. X Premio de poesía Manuel Lueiro Rey 2022, por Baixo terra. No ar.Manuel López Rodríguez gaña o X Premio de Poesía Manuel Lueiro Rey de Fornelos De Montes XXVI Certame de poesía Francisco Añón 2022. Certame Rosalía de Castro 2022. VI Premio de poesía Xosé María Díaz Castro (2022). XXVI Premio de poesía Avelina Valladares, 2022, por O cemiterio. A néboa. Accesit XI Premio López Ardeiro de Poesía (2022) XXVI Premio de poesía Johán Carballeira (2023), por 831-Urb. XXVII Premio de poesía Avelina Valladares, 2023, por Fío. XXXVI Premio de poesía Eusebio Lorenzo Baleirón, 2023, por Palabras do sur. Accesit XI Premio Albariza de artes, 2024, por Distancia-Espazo (arroaz) Segundo Premio XXIX Certame Literario Manuel Oreste Rodríguez López, 2024, por Poema en once chanzos. Mención de honra XLIX Certame Nacional B. de Begonte, 2025, por Melodía complexa. XII Premio Albariza de Artes, 2025, por Esperta! 2025: Premio de Poesía Fiz Vergara Vilariño, por Ambiente. 2026: Premio Xaquina Trillo.

Notas

Véxase tamén

Ligazóns externas Blog do autor O autor recita un poema de 831-urb en Bueu o 19/02/2024

Categoría:Escritores de Galicia en lingua galega Categoría:Poetas de Galicia Categoría:Nados en Noia Categoría:Nados en 1978 Categoría:Personalidades de Galicia sen imaxes Categoría:Poetas en lingua galega Categoría:Premio de poesía Eusebio Lorenzo Baleirón