Juan Antonio Maceiras Barros, nado o 21 de xullo de 1954, é un médico e político galego do PPdeG
Traxectoria Chegou a Miño como médico en 1990. Foi director xeral de Saúde Pública (1992-1994). Presentouse ás eleccións municipais de 2003 en Miño encabezando a CIM (Candidatura Independiente Miño) e foi elixido alcalde. En decembro de 2004 ingresou no PPdeG, e nas municipais de 2007 encabezou a candidatura deste partido e foi reelixido alcalde por maioría absoluta. Continuou como alcalde tralas municipais de 2011, tamén con maioría absoluta, até a súa renuncia en xaneiro de 2013.
En 2026 aceptou unha condena de inhabilitación para evitar o cárcere, logo dun proceso de prevaricación por prorrogar incorrectamente contratos.
Escándalo Fadesa
Foi durante os seus mandatos primeiro coma independente baixo a CIM e despois reintegrándose no PPdeG cando Maceiras, que estivera en contra da macrourbanización, deu un xiro no seu discurso e defendeu a construción da urbanización Miño Costa Golf (anteriormente coñecida coma Costa Anácara) promovida por Fadesa e, en 2006, adquirida por Martinsa. Sobre este proxecto, que supuña a creación de 1.200 vivendas e un campo de golf máis en 2010, o Tribunal Supremo declarou ilegal a adquisición dos terreos e condenou o concello de Miño a indemnizar con 25 millóns de euros aos veciños afectados pola expropiación.
Vida persoal É xogador de póker online e gañou o Sunday Million de PokerStars dúas veces."Juan Maceiras 'Vietcong01': 'el 40 % del secreto del poker está en un concepto que, en gallego, se llama sentidiño'" ,entrevista en poker10.com . A súa filla María Maceiras tamén é xogadora de póker.
Notas
Véxase tamén Outros artigos Eleccións municipais en Miño
Categoría:Alcaldes de Miño Categoría:Alcaldes de Galicia de candidaturas independentes Categoría:Alcaldes de Galicia polo PPdeG Categoría:Alcaldes de Galicia durante a democracia Categoría:Nados en 1954