José Luís Fontenla Rodrigues, nado en Pontevedra o 9 de febreiro de 1944 e finado o 28 de xuño de 2025, foi un avogado, político, escritor e pintor galego.
Utilizou os pseudónimos João Padrão, Luís Roïz e António Eirinha entre outros.
Traxectoria Fillo de Xosé Luís Fontenla Méndez. Licenciouse en Dereito na Universidade de Santiago de Compostela. Pertenceu ao comité executivo do Partido Galego Social Demócrata e contribuíu á constitución do Consello de Forzas Políticas Galegas, que defende a ruptura democrática e a instauración dun estado confederal. Foi representante da Galiza na Plataforma de Converxencia Democrática durante a ditadura franquista, na clandestinidade. Colaborou co Euskal Sozialista Bitxarrea – Partido Socialista Vasco e o grupo socialista “ex-Reagrupament” de Josep Palach para criar unha Federación de Partidos Socialistas co PSOE (H) histórico. Elaborou un proxecto de Constitución para que a Galiza formase parte dun Estado Conferederal Español.
Participou na fundación da editorial SEPT, A Nosa Terra (fundador e director), e a Asociación Cultural O Galo de Santiago de Compostela, da que foi presidente. Foi presidente tamén da Asociación Amigos da Cultura de Ponte Vedra.Presidiu a Associação Amizade Galiza-Portugal, a Associação Cultural Lusófona Irmandades da Fala da Galiza e Portugal e a Comissão Galega do Acordo Ortográfico da Língua Portuguesa. Fundador e director das revistas da lusofonía Nós, Cadernos do Povo, Temas do Ensino de Lingüística, Sociolingüística e literatura, encabezou as delegacións de Galicia nos Encontros de Unificação Ortográfica da Língua Portuguesa no Río de Xaneiro (1986) e en Lisboa (1990). Formou parte do equipo investigador do Centro de Estudos Luso-Brasileiros (CELB) da Universidade de San Petersburgo.
Foi cofundador e terceiro presidente (1980-1982) da Asociación para a Defensa Ecolóxica da Galiza (Adega).Foi tamén membro do Consello de Redacción do Boletín do Ilustre Colexio de Avogados de Pontevedra; relator no I Congreso do Dereito Galego e Prémio de Ensaio nos Jogos Galaico-Minhotos de Guimarães. Tamén foi membro do Consello Asesor da revista O Ensino. Entre outros moitos recoñecementos, o dia 2 de setembro de 2018 recibiu en Chantada o premio da Fundação Meendinho por unha vida dedicada á defensa da cultura da Galiza.
Algunhas das súas obras foron traducidas ao hebreo, xaponés, ruso, romanés e inglés.
Viviu na Galiza e en Portugal (Valença, Viana do Castelo e Braga). Cedeu a súa biblioteca e mais a biblioteca do seu pai para a Academia Galega da Língua Portuguesa, dispoñíbel na Casa da Língua Comum, en Santiago de Compostela.
Obras
Poemas de Paris e outros poemas (1985). Braga. Ítaca e outras peças de teatro (1989). Braga. Como João Padrão. 12 pp. Teatro. Sememas (Antologia Poética) (1990). Braga. Co pseudónimo de João Padrão. Tempo Terra khronos kai kairós (Antologia Poética) (1992). Braga. Co pseudónimo de João Padrão. A Mátria da Palavra (Antologia de Poetas Galego-Lusófonos (1990). Como José Luis Fontenla e João Padrão. “A ansiedade da influência -um poeta apresenta-se”, in Antologia de Poesia Lusófona (Braga,1994). Como João Padrão. Poemas Lusófonos. Carpe litteraturam (1997). Braga. Como João Padrão e Luis Roïz. Poemas para Cynara.(Non sum qualis eram bonae sub regno Cynarae) (2000). Braga. Como João Padrão. Sem título, Fragmentos sem nome e Metamorfose(s) (2005). Braga. Como João Padrão. Triloxía de libros de poesía. Cadernos de Poesia do Clube Pickwick, como João Padrão, publicados de 2000 a 2005.
Premios
Premio Meendinho 2018. Premio de Ensaio nos Jogos Galaico-Minhotos de Guimarães
Notas
Categoría:Políticos de Galicia Categoría:Escritores de Galicia Categoría:Nados en Pontevedra Categoría:Nados en 1944 Categoría:Personalidades de Galicia sen imaxes Categoría:Finados en 2025