Kosmos 4 (Космос 4 en ruso), mencionado ocasionalmente como Sputnik 14 en occidente, foi un satélite artificial soviético lanzado o 26 de abril de 1962 mediante un foguete Vostok-K desde o cosmódromo de Baikonur.
Características Kosmos 4 foi o primeiro satélite de recoñecemento soviético en ser posto en órbita con éxito. Pertencía á serie de satélites Zenit-2.
A misión do satélite foi medi-la radiación procedente das probas nucleares norteamericanas do proxecto Starfish e realizar probas de recoñecemento fotográfico mediante cámaras a bordo. O satélite estaba deseñado para regresar a terra e permitir a recuperación da película fotográfica.
Misión Trala posta en órbita producíronse fugas nos tanques de oxíxeno usados para a orientación do satélite, o que produciu a decisión de facelo retornar prematuramente, tras tres días en órbita. Aínda que durante a maior parte do tempo o satélite foi incontrolable, o retorno e exame do material fotográfico serviu para determina-lo rendemento das cámaras de a bordo.
Notas
Categoría:Satélites Kosmos