A bandeira de San Vicente e as Granadinas foi adoptada o 21 de outubro de 1985. É unha bandeira composta por tres franxas verticais de cor azul (a máis próxima ó mastro), amarela (a central) e verde (a exterior). A franxa amarela é de dobre anchura respecto ás outras dúas e contén, na súa parte central a letra V, formada con tres rombos ou diamantes verdes, dous situados nos extremos e o terceiro no centro.
Os rombos ou diamantes verdes forman a letra V, inicial de San Vicente que dá nome ó país. A cor verde representa a vexetación exuberante de San Vicente e a permanente vitalidade da súa poboación. Esta cor tamén alude ó termo que define a San Vincente e as Granadinas como "as xemas das Antillas". A cor azul simboliza o ceo e o mar que rodea as illas. O amarelo representa a cordialidade, o espírito alegre dos seus habitantes e as douradas praias das Granadinas.
A bandeira de San Vicente e as Granadinas tamén é coñecida polo nome de “as xemas”.
Outras bandeiras
Véxase tamén Ligazóns externas Bandeira de San Vicente e as Granadinas en Flags of the World
Categoría:Símbolos de San Vicente e as Granadinas Categoría:Bandeiras de estados soberanos Categoría:Bandeiras nacionais Categoría:Bandeiras introducidas en 1985