miniatura|300px|dereita|Balsa de decantación e tubaxes da factoría de Xove. miniatura|300px|dereita|Zona da factoría en terreo de Xove. Alcoa Inc. (acrónimo de Aluminum Company of America) é unha empresa multinacional de base estadounidense fundada en 1888, que na actualidade ten dúas factorías en Galicia, na Coruña e na Mariña lucense, no concello de Xove. Esta factoría é coñecida como Alúmina-Aluminio ou Alcoa-San Cibrao, por estar a entrada no lugar de San Cibrao (Cervo), pero tributa en Xove por estar en terreo dese concello a administración.
Alcoa é o terceiro maior produtor mundial de aluminio, tras Río Tinto Alcan e a rusa Rusal.
Historia Nada en 1888 como Pittsburgh Reduction Company, en 1907 pasa a chamarse Aluminum Company of America. O acrónimo Alcoa foi empregado en 1910, e en 1998 foi adoptado como o nome oficial da empresa.
Alcoa en España En 1998 mercou parte das instalacións da INI adicadas á fabricación de aluminio Inespal, pasando a chamarse a súa sección en España Alcoa-Inespal, con centros de produción en: San Cibrao (dende o 1977, con 512 cubas de electrolise) A Coruña (anuncio de peche en 2018) Avilés (anuncio de peche en 2018) Madrid, oficinas centrais Amorebieta Alacant Sabiñánigo Noblejas.
No século XXI, a raíz do método da poxa enerxética para grandes industrias e as variacións no mercado mundial do aluminio, a empresa sufriu periódicos altibaixos e protestas. No comezo de 2019 as instalacións da Coruña e Avilés están amezadas de peche, manténdose a de San Cibrao en espera das condicións de poxa.
Alcoa en Galicia
San Cibrao En San Cibrao, Cervo, a empresa Inespal construíu unha factoría alumineira que comezou a funcionar no 1979. No 1997, coa privatización de Inespal, a multinacional Alcoa fíxose coas instalacións. Promovida por Endasa e Alugasa dende o 1974, en xaneiro de 1979 entraron en funcionamento só 32 cubas electrolíticas, aínda que coa previsión de ter 512 cubas en funcionamento en dúas series, para unha produción de ata 270 000 toneladas de aluminio líquido ó ano, e 4 megatoneladas de alúmina. No 1997 era a terceira planta do mundo en canto á produción de aluminio.
A súa vida útil viu marcada por diversos conflitos, dende a apertura, polos niveis de flúor, e despois, polo desastre do Cason. A balsa de lodos vermellos é unha ameza constante sobre a zona.
Aínda que se fala de Alcoa-S. Cibrao, por localizarse en dito lugar a entrada principal á fábrica, ó ser o lugar onde se localiza a administración territorio de Xove, é alí onde tributa.
O seu porto, con dous diques de arredor dun quilómetro cada un, é o maior da costa lucense. Nel descárgase a bauxita que alimenta o complexo, e ten un peirao auxiliar para alúmina.
Balsa de lodos A factoría de S. Cibrao ten unha enorme balsa de lodos vermellos que supón un problema medioambiental grave, tanto na actualidade como de cara ó futuro.
A comezos de 2026 está en marcha unha ampliación da altura da balsa de 100 m (capacidade de depósito de 42 millóns de metros cúbicos) a 104 m, estando en marcha a petición para seguir ampliando ate os 110 m de altura, o que ten provocado rexeitamento social e científico. Este proxecto engadiría outros 5 Mm3 de capacidade, o que segundo a empresa abondaría para chegar funcionando ate 2035.
Notas
Véxase tamén
Outros artigos Alclad Ligazóns externas Sitio web da empresa
Categoría:Xove Categoría:Cervo Categoría:Empresas dos Estados Unidos de América